Jyl aiaǵyna deiin Shymkent qalasynda gazben jumys isteitin 590 avtobýs jolaýshy tasymaldaityn bolady, dep habarlaidy "Ult aqparat".
Bul týraly Shymkent qalasynyń ákimi Murat Áitenov ortalyq kommýnikatsiialar qyzmetinde ótken baspasóz máslihatynda aitty.
«Byltyr 590 avtobýs satyp alynǵan. Onyń 300-i qazir júiege tústi. 290-y jyldyń aiaǵyna deiin qoldanysqa shyǵady. Onyń bári – gazben júretin qoǵamdyq kólik. Ishinde aýa baptaǵyshy bar, múgedekterge qolaily. Nege 290 kólikti keshigip engizemiz? Sebebi qalada qoǵamdyq kólikke gaz quiatyn stansanyń qurylysy endi aiaqtaldy. Ekinshisin ulǵaitý jumystary endi ǵana bastaldy. Jyl aiaǵyna deiin bitýi kerek. Sol kezde ǵana qalǵan avtobýsty jolǵa shyǵarýǵa bolady», - dedi qala ákimi.
Murat Áitenov qala turǵyndary qoǵamdyq kólik aqysyn elektrondy jolmen tóleýge jyldam boi úiretkenin aitty.
«Qoǵamdyq kólik yńǵaily bolýy úshin byltyr qazanda elektrondyq tólem engizdik. Sonyń arqasynda qazir 80 paiyzy elektrondy tólem arqyly qatynap júr. 300 myńnan astam turǵyn tólem kartasyn paidalanyp otyr. Oǵan qosymsha arnaiy baǵdarlama engizdik. Qai kólik qai jerde júrgenin kórsetip otyrady. Ol úshin telefonǵa tiisti qosymshany júktese boldy. Sol arqyly turǵyndar avtobýstyń naqty ýaqytyn kórip, josparyn tiimdi qura alady. Qazir qosymsha yńǵaily bolý úshin aialdamalardyń atyn turǵyndardyń daýys berýi arqyly anyqtap jatyrmyz. Tehnikalyq máseleleri sheshilgennen keiin ony da engizemiz. Jailap-jailap qalamyzdaǵy qoǵamdyq kóliktiń 80 paiyzy jańa, zamanaýi, úlken avtobýstarmen almastyrylady», - dedi ákim.
