شىمكەنت قالاسىندا قارجى پيراميداسىن قۇرىپ, تۇرعىنداردىڭ اقشاسىن جىمقىرعان جشس باسشىلارى ۇستالدى, دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
قالا تۇرعىندارىنىڭ سەنٸمٸنە كٸرٸپ, 500 ميلليون تەڭگەدەن استام قاراجاتتى جىمقىرعان «گارانت 24 لومبارد» جشس فيليالىنىڭ ديرەكتورى ۇستالىپ, تەرگەۋ يزولياتورىنا قامالدى.
ايتا كەتەيٸك, تاياۋدا سالىمشىلاردى الداپ, 100 ميلليون تەڭگەدەن استام شىعىن كەلتٸرگەن «Estate لومبارد» جشس فيليالىنىڭ ديرەكتورى ۇستالعان ەدٸ. اتالعان فاكتٸلەر بويىنشا سوتقا دەيٸنگٸ تەرگەۋ جالعاسىپ جاتىر.
شىمكەنت قالاسىنىڭ پوليتسييا دەپارتامەنتٸ اتالعان جشس-لاردان زارداپ شەككەندەردٸ جاقىن جەردەگٸ پوليتسييا بٶلٸمدەرٸنە حابارلاسۋىن نەمەسە «102» نٶمٸرٸنە قوڭىراۋ شالۋىن ٶتٸنەدٸ.
