شىمكەنتتە 270 تازالاۋشىنىڭ جۇمىسىن 8 ادام عانا اتقارىپ كەلگەن. مۇنداي كەمشٸلٸكتەر كەزەكتٸ پروكۋرورلىق تەكسەرۋ كەزٸندە انىقتالدى, دەپ حابارلايدى "ۇلت اقپارات".
جەرگٸلٸكتٸ اتقارۋشى ورگانداردىڭ تۇرمىستىق قالدىقتاردى جيناۋ مەن سانيتارلىق تازالاۋ قىزمەتتەرٸنە تەكسەرۋ جٷرگٸزگەن پروكۋرورلار بٸرقاتار كەمشٸلٸكتەردٸ انىقتادى. قالا پروكۋرورى ماقسات قوجاباەۆتىڭ سٶزٸنشە, تازالىققا جاۋاپتى جەكەلەگەن مەكەمەلەر ٶز جۇمىسشىلارىنىڭ سانىن 35 ەسە ارتىق كٶرسەتٸپ, جالعان قۇجاتتار جاساپ كەلگەن.
مەسەلەن, نەبەرٸ 8 جۇمىسشىسى بار مەكەمە قاجەتتٸ 270 جۇمىسشىنى جالعان كٶرسەتٸپ وتىرعان. سٶيتٸپ, مەملەكەتتەن بٶلٸنگەن 210 ملن تەڭگەگە بٷكٸل قاراتاۋ اۋدانىنا سانيتارلىق تازالاۋ قىزمەتٸن كٶرسەتۋدە.
«وسىنداي زاڭسىزدىقتارعا جول بەرگەن مەكەمەلەردٸ جەڭٸمپاز ەتۋ اۋدان ەكٸمدٸكتەرٸنٸڭ ەرەكەتسٸزدٸگٸ مەن باقىلاۋدىڭ مٷلدەم جوقتىعىن كٶرسەتەدٸ. جەرگٸلٸكتٸ اتقارۋشى ورگاندار جۇمىسىنىڭ كەمشٸلٸگٸنەن 50-دەن استام كەزدەيسوق قوقىس ورىندارى انىقتالعان. الايدا وسىنداي ولقىلىقتار ٷشٸن بٸر جىلدان استام ۋاقىت بويى بٸر دە بٸر تۇلعا ەكٸمشٸلٸك جاۋاپكەرشٸلٸككە تارتىلماعان» دەيدٸ پروكۋراتۋرادان.
شىمشاھاردىڭ قوقىس ورداسىنا اينالۋىنىڭ تاعى بٸر سەبەبٸ - تازالاۋ قىزمەتٸن كٶرسەتەتٸن مەكەمەلەردٸڭ تالاپقا ساي بولماسا دا, مەملەكەتتٸك ساتىپ الۋ كونكۋرسىندا جەڭٸمپاز اتانۋى. تەكسەرۋ كەزٸندە ولاردىڭ قاجەتتٸ تەحنيكالارى جوق, جۇمىسشىلارى دا جەتٸسپەيتٸنٸ انىقتالعان.
سونداي-اق, قالادا تۇرمىستىق قالدىق تاستاۋ ٷشٸن قاجەتتٸ 4 مىڭ كونتەينەردٸڭ ورنىنا نەبەرٸ 2 مىڭ كونتەينەر عانا بار بولىپ شىقتى. جيىن قورىتىندىسىمەن جەرگٸلٸكتٸ اتقارۋشى جەنە ۋەكٸلەتتٸ ورگانداردىڭ اتالعان باعىتتاعى قىزمەتتەرٸن قايتا قاراپ, قالا ەكٸمٸنٸڭ اتىنا ۇسىنىس ەنگٸزٸلدٸ. جەكەلەگەن ٶنٸم بەرۋشٸلەردٸڭ ەرەكەتتەرٸ بويىنشا پروتسەسۋالدىق شەشٸم قابىلدانىپ جاتىر.
