فوتو: اشىق دەرەككٶز
شىمكەنتتە كەمەلەتكە تولماعان قىزدى بەيتانىس ەر ادام ەيەلدٸككە الىپ قاشىپ كەتكەن. ٷيٸنە ەكەلگەن سوڭ, وتباسىنداعى ەگدە جاستاعى ەيەلدەر ۇيالى تەلەفونىن تارتىپ الىپ, ٶز ەركٸمەن كەلگەنٸ تۋرالى قولحات جازعىزۋعا تىرىسقان, دەپ حابارلايدى Ult.kz.
قىزدىڭ سٶزٸنشە, 4 جٸگٸت ونى كٷشتەپ كٶلٸككە وتىرعىزىپ, كەيٸن تٷركٸستان وبلىسى سارىاعاش اۋدانىنا قاراي جول تارتقان.
«مەنٸڭ جاسىم 17-دە, شىمكەنت قالاسىنىڭ تۇرعىنىمىن. ستۋدەنتپٸن ەرٸ كٶپ بالالى وتباسىدان شىققانمىن. مەنٸ بۇرىن-cوڭدى كٶرمەگەن ەر ادام الىپ قاشىپ كەتتٸ, جولدىڭ بويىندا بەلگٸسٸز جٸگٸتتەر كٷشتەپ كٶلٸككە تىعىپ, بەلگٸسٸز ايماققا قاراي جٶنەلدٸ. ولار مەنٸ ەيەل قىلىپ الماقشى بولعان. ول جاققا بارعاندا ٷلكەن كٸسٸلەر, تۋىس-تۋعاندارى جٷردٸ. وت-شاشۋ اتىپ, قولىنا تەلەفون ۇستاپ, كامەراعا تٷسٸرٸپ جٷرگەن ادامدار كٶپ بولدى», – دەدٸ جەبٸرلەنۋشٸ قىز.
قىز ولارعا ەلٸ كەمەلەتتٸك جاسقا تولماعانىن جەنە بۇل تۋرالى اتا-اناسىنا حابارلاۋ كەرەكتٸگٸن ايتقانىمەن, ەۋلەتتٸڭ ٷلكەندەرٸ ونى كٷشتەپ كٶلٸكتەن شىعارىپ, ٷيگە كٸرگٸزگەن.
«ٷيگە كٸرگەننەن كەيٸن مەنٸڭ ۇيالى تەلەفونىمدى بەرمەيتٸندەرٸن جەنە ٶز ەركٸممەن ول جاققا بارعانىم تۋرالى قولحات جازدىرتىپ الماقشى بولدى. ەگەر ونى جازبايتىن بولسام, تەلەفونىمدى بەرمەيتٸندەرٸن ايتتى. ماعان قوقان-لوقى كٶرسەتٸپ, قورقىتتى. قولحات جازبايتىنىمدى بٸلگەننەن كەيٸن مەنٸ جىنىستىق قاتىناسقا مەجٸبٷرلەدٸ. ولار دەستٷر سونداي, بۇل ٷيدەن پەك بولىپ شىقپاۋىم كەرەك ەكەنٸن تٷسٸندٸردٸ. ەرٸ قاراي وقۋعا بارمايتىنىمدى جەنە بۇل ٷيدەن مٷلدەم شىقپايتىنىمدى ايتتى. ەگەر جىنىستىق قاتىناسقا تٷسپەگەن جاعدايدا — ٷيگە قاماپ ۇستاپ وتىرا بەرەتٸندەرٸن جەتكٸزدٸ», – دەدٸ ول.
قىزدىڭ ايتۋىنشا, الىپ قاشقان ەر ادام ونى جىنىستىق قاتىناسقا تٷسۋگە مەجبٷرلەگەن. ارتىنشا ول قان بولعان سەيسەپتٸ الىپ كەتٸپ, باسقا بٶلمەدە وتىرعان جەڭگەلەرٸنەن سٷيٸنشٸ سۇراپ, تويلاتىپ كەتكەن.
«زورلىقتان كەيٸن قانداي حەلدە بولعانىمدى ەشكٸم قاراعان دا جوق, ەشكٸمگە قىزىق بولمادى. ولار ٶزدەرٸنٸڭ دەگەندەرٸنە جەتكەننەن كەيٸن, كٶپ ۇزاماي مەن ول جاقتان قاشىپ كەتتٸم».
ٶز سٶزٸندە قىز قۇزىرلى ورگاندار ەشتەڭە ٸستەمەگەنٸن, ەشكٸمنٸڭ جاۋاپقا تارتىلماعانىن ايتىپ, شاعىمداندى.
شىمكەنت ٸٸم قىزدىڭ ارىزى بويىنشا قر قك-نٸڭ 125-1 بابىمەن «نەكەگە تۇرۋعا مەجبٷرلەۋ» قىلمىستىق ٸس قوزعالعانىن حابارلادى.
"بارلىق قاتىسۋشىلار پوليتسييا باسقارماسىنا جەتكٸزٸلدٸ. كٷدٸكتٸ ۋاقىتشا ۇستاۋ يزولياتورىنا قامالدى. قازٸرگٸ تاڭدا ٸستٸڭ بارلىق مەن-جايىن انىقتاۋعا باعىتتالعان كەشەندٸ تەرگەۋ ٸس-شارالارى جٷرگٸزٸلۋدە. تەرگەۋ اياقتالعاننان كەيٸن پروتسەسسۋالدىق شەشٸم قابىلداناتىن بولادى. زاڭ تالاپتارىن بۇزعان تۇلعالار قولدانىستاعى زاڭناماعا سەيكەس مٸندەتتٸ تٷردە جاۋاپكەرشٸلٸككە تارتىلادى", - دەلٸنگەن حابارلامادا.
