Foto: ashyq derekkóz
Shymkentte kámeletke tolmaǵan qyzdy beitanys er adam áieldikke alyp qashyp ketken. Úiine ákelgen soń, otbasyndaǵy egde jastaǵy áielder uialy telefonyn tartyp alyp, óz erkimen kelgeni týraly qolhat jazǵyzýǵa tyrysqan, dep habarlaidy Ult.kz.
Qyzdyń sózinshe, 4 jigit ony kúshtep kólikke otyrǵyzyp, keiin Túrkistan oblysy Saryaǵash aýdanyna qarai jol tartqan.
«Meniń jasym 17-de, Shymkent qalasynyń turǵynymyn. Stýdentpin ári kóp balaly otbasydan shyqqanmyn. Meni buryn-cońdy kórmegen er adam alyp qashyp ketti, joldyń boiynda belgisiz jigitter kúshtep kólikke tyǵyp, belgisiz aimaqqa qarai jóneldi. Olar meni áiel qylyp almaqshy bolǵan. Ol jaqqa barǵanda úlken kisiler, týys-týǵandary júrdi. Ot-shashý atyp, qolyna telefon ustap, kameraǵa túsirip júrgen adamdar kóp boldy», – dedi jábirlenýshi qyz.
Qyz olarǵa áli kámelettik jasqa tolmaǵanyn jáne bul týraly ata-anasyna habarlaý kerektigin aitqanymen, áýlettiń úlkenderi ony kúshtep kólikten shyǵaryp, úige kirgizgen.
«Úige kirgennen keiin meniń uialy telefonymdy bermeitinderin jáne óz erkimmen ol jaqqa barǵanym týraly qolhat jazdyrtyp almaqshy boldy. Eger ony jazbaityn bolsam, telefonymdy bermeitinderin aitty. Maǵan qoqan-loqy kórsetip, qorqytty. Qolhat jazbaitynymdy bilgennen keiin meni jynystyq qatynasqa májibúrledi. Olar dástúr sondai, bul úiden pák bolyp shyqpaýym kerek ekenin túsindirdi. Ári qarai oqýǵa barmaitynymdy jáne bul úiden múldem shyqpaitynymdy aitty. Eger jynystyq qatynasqa túspegen jaǵdaida — úige qamap ustap otyra beretinderin jetkizdi», – dedi ol.
Qyzdyń aitýynsha, alyp qashqan er adam ony jynystyq qatynasqa túsýge májbúrlegen. Artynsha ol qan bolǵan seisepti alyp ketip, basqa bólmede otyrǵan jeńgelerinen súiinshi surap, toilatyp ketken.
«Zorlyqtan keiin qandai hálde bolǵanymdy eshkim qaraǵan da joq, eshkimge qyzyq bolmady. Olar ózderiniń degenderine jetkennen keiin, kóp uzamai men ol jaqtan qashyp kettim».
Óz sózinde qyz quzyrly organdar eshteńe istemegenin, eshkimniń jaýapqa tartylmaǵanyn aityp, shaǵymdandy.
Shymkent IIM qyzdyń aryzy boiynsha QR QK-niń 125-1 babymen «nekege turýǵa májbúrleý» qylmystyq is qozǵalǵanyn habarlady.
"Barlyq qatysýshylar politsiia basqarmasyna jetkizildi. Kúdikti ýaqytsha ustaý izoliatoryna qamaldy. Qazirgi tańda istiń barlyq mán-jaiyn anyqtaýǵa baǵyttalǵan keshendi tergeý is-sharalary júrgizilýde. Tergeý aiaqtalǵannan keiin protsessýaldyq sheshim qabyldanatyn bolady. Zań talaptaryn buzǵan tulǵalar qoldanystaǵy zańnamaǵa sáikes mindetti túrde jaýapkershilikke tartylady", - delingen habarlamada.
