شىمكەنتتە 26 جاستاعى ديانا وڭعارباەۆانى ٶلتٸرۋ ٸسٸ بويىنشا سوت باستالدى. ايىپتالۋشى – 11-سىنىپ وقۋشىسى. تەرگەۋ مەلٸمەتٸنشە, ول ەيەلدٸ پىشاقتاپ ٶلتٸرٸپ, دەنەسٸن قورلاعان. بۇل تۋرالى Ult.kz «31 ارناعا» سٸلتەمە جاساپ حابارلايدى.
پروكۋرور سوتتىڭ العاشقى وتىرىسىندا قايعىلى جاعداي تامىز ايىندا بولعانىن ايتتى. كٷدٸكتٸ جازعى دەمالىس كەزٸندە تابىس تابۋ ٷشٸن قالاعا كەلگەن. ٷي-جايدى تازالاۋ جۇمىستارىمەن اينالىسقان ەيەلدٸ ول ەلەۋمەتتٸك جەلٸ ارقىلى تاۋىپ, جۇمىسقا كەلٸسەدٸ. ديانا تازالىقتى اياقتاپ, 15 مىڭ تەڭگە ەڭبەكاقىسىن سۇراعاندا, جاسٶسپٸرٸم وعان پىشاقپەن شابۋىل جاساعان.
«كەمەلەتكە تولماعان ايىپتالۋشى قاساقانا قىلمىس جاساپ, مارقۇمنىڭ دەنەسٸن قورلاعان. ٶز قىلمىسىن جاسىرۋ ماقساتىندا ول ەيەلدٸڭ دەنەسٸن قارا پوليەتيلەنگە وراپ, تۇرعىن ٷيدٸڭ اۋلاسىنداعى قۇرىلىس ارباسىنا سالىپ, قوقىس كونتەينەرٸنٸڭ جانىنا تاستاپ كەتكەن», – دەدٸ مەملەكەتتٸك ايىپتاۋشى نۇرجٸگٸت ەرمەنتاي.
تەرگەۋ دەرەكتەرٸنە سەيكەس, ەيەلدٸڭ دەنەسٸ قوقىس كونتەينەرٸنٸڭ جانىندا ون كٷن جاتقان. كەيٸن ونى جۇمىسشىلار تاۋىپ العان. قازٸر سوت پروتسەسٸ جالعاسىپ جاتىر.
