العىس ايتۋ كٷنٸنە وراي شىمكەنتتە 1 ميلليون قۇرت پەن باۋىرساق تاراتىلدى, دەپ حابارلايدى قازاقپارات.
ٸس-شارا قالاداعى حالىق كٶپ جٷرەتٸن قوعامدىق ورىنداردا ۇيىمداستىرىلدى. ىستىق باۋىرساق پەن اپپاق قۇرت ارنايى قاپشىقتارمەن تاراتىلدى. سىرتىنداعى «1 ناۋرىز-العىس ايتۋ كٷنٸ»-دەگەن جازۋ دا مەرەكەنٸ ايشىقتاپ تۇردى. مەرەكەلٸك سىيلىقتى ساۋدا – ويىن-ساۋىق ورتالىعى مەن قالالىق ساياباقتاردا, ەۋەجاي, تەمٸر جول ۆوكزالى, بازارلار مەن ستۋدەتتەر كٶپ تۇراتىن شاعىن اۋدانداردا جٷرگەن تۇرعىندار الدى.
ەتنواۋىل تاريحي كەشەنٸندە ٶتكەن ٸس-شاراعا قالا ەكٸمٸنٸڭ ورىنباسارى شىڭعىس مۇقان قاتىسىپ, مەرەكەنٸڭ مەنٸ مەن ماڭىزىنىڭ جوعارى ەكەندٸگٸن جەتكٸزدٸ.
ال, ەتنومەدەني ورتالىق ٶكٸلدەرٸ قازاق حالقىنا العىستارىن ايتتى. اقساقالدار ەلدٸڭ اماندىعىن تٸلەپ باتا بەردٸ.
