شىمكەنتتە حالىق سانى 950 مىڭعا جۋىقتادى. جىل باسىنان بەرٸ شىم شاھاردا 33 مىڭ سەبي دٷنيەگە كەلگەن. بۇل تۋرالى وبلىستىق ستاتيستيكا دەپارتامەنتٸنٸڭ ماماندارى مەلٸمدەدٸ, دەپ حابارلايدى "ۇلت اقپارات".
سالا ماماندارىنىڭ سٶزٸنشە, وڭتٷستٸك قازاقستان وبلىسىنىڭ ورتالىعى ميلليون تۇرعىنى بار قالاعا اينالۋعا دايىندالىپ جاتىر. ال, وبلىستاعى تۇرعىنداردىڭ سانى 2 ملن 900 مىڭنان اسىپ تٷسكەن. بيىلعى جىلدىڭ ٶزٸندە ايماقتا 50 مىڭنان اسا بالا تۋىلعان. بۇل الدىڭعى جىلدارمەن سالىستىرعاندا, ەڭ ٷزدٸك كٶرسەتكٸش بولىپ وتىر. ياعني, ەلٸمٸزدە ٶمٸرگە كەلەتٸن ەربٸر بەسٸنشٸ بالا كٷنگەي تۇرعىنى سانالادى.
سونداي-اق جاڭادان تۋىلعان نەرەستەلەرگە ات قويۋ بويىنشا وڭتٷستٸك نۇرسۇلتان ەسٸمٸن جيٸ قوياتىنىمەن ەرەكشەلەنٸپ وتىر. قازٸردٸڭ ٶزٸندە ٶڭٸردە تەۋەلسٸزدٸك العان جىلداردان بەرٸ بۇل ەسٸم 10265 ادامعا بەرٸلگەن.
