شىمكەنتتە وقۋشىلار ۋلانىپ قالعان مەكتەپتٸ قالا ەكٸمٸ عابيدوللا ەبدٸراحىموۆ تيٸستٸ سالا جەتەكشٸلەرٸمەن بٸرگە بارىپ كٶردٸ.
ەكٸم وندا تٶتەنشە جاعدايدىڭ شىعۋ سەبەپتەرٸن انىقتاۋ جٶنٸندەگٸ جۇمىستاردىڭ اتقارىلۋ بارىسىمەن تانىستى.
شاھار باسشىسى مەكتەپتٸ تولىق ارالاپ شىعىپ, ىنتىماق شاعىن اۋدانىنداعى گاز تاراتۋ پۋنكتٸندە بولدى.
قالالىق ەكٸمدٸكتٸڭ حابارلاۋىنشا, مەكتەپتە تابيعي گازدىڭ تارالۋى جٶنٸندەگٸ بولجام راستالماعان.
«ماماندار مەكتەپ ٸشٸ مەن سىرتىنداعى اۋانىڭ سىناماسىن الىپ, لابوراتورييالىق تەكسەرۋدەن ٶتكٸزدٸ. مەكتەپتٸڭ سانيتارلىق احۋالى قالىپتى, ادام دەنساۋلىعىنا كەلەر قاۋٸپ جوق. وقيعانىڭ مەن-جايىن انىقتاۋ جٶنٸندەگٸ جۇمىستار ودان ەرٸ جالعاسادى. بٷگٸن مەكتەپتٸڭ جۇمىسى توقتاتىلىپ, ساباقتار ەرتەڭ 20 ناۋرىزدان باستاپ جۇمىسىن جالعاستىراتىن بولادى. بٸلٸم وشاعىندا تيٸستٸ سالا ماماندارى جۇمىس ٸستەپ جاتىر. جاعداي قالا ەكٸمٸنٸڭ تۇراقتى باقىلاۋىنا الىنعان», دەلٸنگەن حابارلامادا.
ال, بٷگٸن قالاداعى گازعا جاۋاپتى مەكەمە «قازترانسگاز ايماق» اق رەسمي تٷردە تٶتەنشە جاعدايعا گاز يٸسٸنٸڭ تارالۋى سەبەپ بولماعانىن جەتكٸزدٸ.
وسىعان قاراي, «قازترانسگاز ايماق» اق تابيعي گاز ارقىلى مۇنداي تٶتەنشە جاعدايدىڭ بولۋى مٷمكٸن ەمەستٸگٸن رەسمي مەلٸمدەيدٸ. بٸرٸنشٸدەن, قر ۇلتتىق ەكونوميكا مينيسترلٸگٸ بەكٸتكەن «قالالىق جەنە اۋىلدىق ەلدٸ مەكەندەردەگٸ اتموسفەرالىق اۋاعا قويىلاتىن سانيتارلىق-ەپيدەميولوگييالىق تالاپتارعا» ساي, تابيعي گازدىڭ (مەتان) قاۋٸپتٸلٸگٸ IV ساناتقا جاتادى جەنە ول ۋلاندىرۋشى گاز بولىپ سانالمايدى. اشىق اۋادا بٸر جەردە جيناقتالىپ تۇرمايتىندىقتان, ەلدٸ مەكەندەر اۋاسىن لاستايتىن تٸزٸمگە دە ەنبەگەن. تابيعي گازدى ۋلى گازبەن شاتاستىرماۋ كەرەك! ەكٸنشٸدەن, گاز تاراتۋ جەشٸگٸنەن مەكتەپكە دەيٸنگٸ 600 مەتر ارالىققا اۋادان جەڭٸل گازدىڭ جەتۋٸ مٷمكٸن ەمەس, ول بٸردەن اۋاعا تاراپ كەتەدٸ. سوندىقتان, 600 مەتر جەردەن ۇشىپ جەتكەن گاز قانداي دا بٸر بٶلمەگە (مەكتەپتٸڭ ٸشٸنە) جينالدى دەگەن تٸپتٸ قيسىنعا كەلمەيدٸ.
وسى رەتتە, «قازترانسگاز ايماق» اق اپاتتىق-ديسپەتچەرلٸك قىزمەتٸ وقيعا ورنىنا دەلدٸگٸ ٶتە جوعارى گاز مٶلشەرٸن ەسەپتەيتٸن «پەرگام» زەرتحاناسىن جٸبەردٸ. جٷرگٸزٸلگەن تەكسەرۋلەر مەكتەپ جانىندا, مەكتەپ اۋماعىندا, تٸپتٸ ستانسا ماڭىندا دا گازدىڭ تارالعانىن انىقتاعان جوق.
ەسكە سالايىق, كەشە ىنتىماق ىقشام اۋدانىنداعى N54 مەكتەپتە وقۋشىلار مەن مەكتەپ قىزمەتكەرلەرٸ جاپپاي ۋلانىپ, توكسيكولوگييالىق اۋرۋحاناعا تٷسكەن بولاتىن.
ەمدەۋ مەكەمەسٸنە تٷسكەن 41 بالا مەن 4 ەرەسەك ادامنىڭ باس اينالۋ, قۇسۋ جەنە قىسقا ۋاقىتتا ەستەن تانۋ بەلگٸلەرٸ بولعان. باستاپقى مەديتسينالىق كٶمەك كٶرسەتٸلگەننەن كەيٸن بارلىعى ٷيلەرٸنە جٸبەرٸلدٸ. ال, بٷگٸن ەلٸمٸزدٸڭ باس سانيتار-دەرٸگەرٸ جانداربەك بەكشين بۇل جاعدايعا مەكتەپتەن 600 مەتر قاشىقتىقتا ورنالاسقان تاراتۋ ستانساسىنان تابيعي گازدىڭ شىعۋى سەبەپ بولعانىن اتاپ كەتكەن بولاتىن.
