بٷگٸن اقپاراتتىق-كوممۋنيكاتسييالار ورتالىعىندا قالاداعى ەپيدەميولوگييالىق جاعدايعا بايلانىستى بريفينگ ٶتتٸ.
وندا شىمكەنت قالاسىنىڭ ەكٸمٸ مۇرات ەيتەنوۆ, قالالىق دەنساۋلىق ساقتاۋ باسقارماسى باسشىسى رۋستام الباەۆ, قالالىق جەدەل جەردەم كٶرسەتۋ ستانتسيياسى باس دەرٸگەرٸنٸڭ ورىنباسارى شولپان وسپانوۆا جەنە جەدەل جەردەم دەرٸگەرٸ ارمان حامزين قاتىستى, دەپ حابارلايدى قازاقپارات.
بريفينگتە سٶز العان قالا ەكٸمٸ مۇرات دٷيسەنبەكۇلى قالاداعى ەپيدەميولوگييالىق جاعداي جەنە ونى قالىپقا كەلتٸرۋ بارىسىنداعى جۇمىستار جٶنٸندە ايتتى.
«رەسپۋبليكالىق دەڭگەيدە شىمكەنت قالاسى بويىنشا تٷرلٸ جاڭالىقتار تاراپ جاتىر. ياعني, قازنەتتە شىمكەنت قالاسىندا «ناۋقاستار اۋرۋحانا قاقپاسىنا جەتپەي قايتىس بولىپ جاتىر جەنە ناۋقاستارعا ورىن جوق» دەگەن سەكٸلدٸ اقپاراتتار تاراۋدا. وسى مەسەلەنٸ تٷسٸندٸرٸپ بەرسەم, بٷگٸندە قالادا 650 ينفەكتسييالىق تٶسەك-ورىن بار. ونىڭ ٸشٸندە جۇقپالى اۋرۋحانالاردا -350, جاڭا سالىنعان گوسپيتالدا 200 جەنە اتامەكەن پروۆيزورلى ستاتسيونارىندا 100 ورىن بار. اتالعان ەسكٸ جۇقپالى اۋرۋحانالار اۋرۋحاناسىندا 321 ناۋقاس جاتىر, گوسپيتالدا 172 جەنە اتامەكەن پروۆيزورلى ستاتسيونارىندا 42 ناۋقاس ەمدەلۋدە. ال جالپى 115 ورىن بوس. ودان بٶلەك, قالادا 1690 پروۆيزورلى ورىن بار. ونىڭ ٸشٸندە 1315-ٸندە ناۋقاستار ەم الۋدا, قالعانى بوس. ياعني, پروۆيزورلى ورىنداردىڭ 77%-ى پايىزى تولىپ تۇر. سول سەبەپتٸ بٷگٸن 500 پروۆيزورلى ورىن اشامىز. ال جەكسەنبٸ كٷنٸ -200, دٷيسەنبٸ كٷنٸ 500 پروۆيزورلى ورىن اشىلادى. سونداي-اق, 51 مەكەمەدە 628 تٶسەك-ورىندىق كٷندٸزگٸ ستاتسيونار اشتىق. ونىڭ 248-ٸ بوس. اتالعان كٷندٸزگٸ ستاتسيونارداعى بٸر ورىن كٷنٸنە 5 ادامدى قابىلداي الادى. ال جۇمىس ۋاقىتى تاڭعى 08:00-دەن كەشكٸ 20:00-گە دەيٸن (دەمالىسسىز) ٸستەيدٸ.
ايتا كەتەيٸن, وسى كٷندٸزگٸ ستاتسيونارلاردا ناۋقاستار تٸركەلگەن ەمحاناسى بويىنشا تەگٸن ەمدەلەدٸ. حالىققا دەر كەزٸندە مەديتسينالىق كٶمەك كٶرسەتۋ ٷشٸن ەمحانالاردىڭ جۇمىسىن ەكٸ ەسە كٷشەيتەمٸز», – دەدٸ قالا ەكٸمٸ.
اتالعان بريفينگتە شىمكەنت قالالىق دەنساۋلىق ساقتاۋ باسقارماسىنىڭ باسشىسى رۋستام الباەۆ تا كوروناۆيرۋس ينفەكتسيياسىن جۇقتىرعان 2084 ناۋقاس تٸركەلگەنٸن اتاپ ٶتتٸ.
«ونىڭ 45 پايىزى – سيمپتومسىز. پروۆيزورلى ستاتسيونارلاردىڭ تٶسەك قورى 89 پايىزعا جٷكتەلگەن. ال دەرٸ-دەرمەكتٸڭ ەكٸ ايلىق قورى بار», - دەدٸ باسقارما باسشىسى.
بريفينگ سوڭىندا سٶز العان قالا باسشىسى مۇرات دٷيسەنبەكۇلى قازٸرگٸ كەزدە مەديتسينا ماماندارىنا جٷكتەلگەن مٸندەتتٸڭ اۋىر ەكەندٸگٸن العا تارتىپ, تىنىمسىز ەڭبەك ەتٸپ جاتقان مامانداردىڭ جۇمىسىنا تٷسٸنٸستٸكپەن قاراۋعا شاقىردى. ەڭ باستىسى, قولايسىز ەپيدەميولوگييالىق جاعدايعا بايلانىستى تۇرعىندارعا ساقتىق شارالارىن قاتاڭ ۇستانۋ قاجەت ەكەندٸگٸن ەسكەرتتٸ.
ايتا كەتەيٸك, كٷنٸ كەشە ەلەۋمەتتٸك جەلٸلەردە شىمكەنتتەگٸ ناۋقاستاردىڭ كٶپتٸگٸنەن اۋرۋحانالاردا ورىن جەتپەي جاتىر دەگەن ماعىنادا اقپاراتتار تاراعان بولاتىن. جەدەل جەردەم قىزمەتٸنٸڭ بٸر دەرٸگەرٸ اۋىر جاعدايدا جاتقان ناۋقاستى اۋرۋحانالار قابىلداماي جاتقانىن ايتقان ەدٸ.
