شىمكەنت قالاسىنىڭ ەكٸمٸ مۇرات ەيتەنوۆ قالادا كوروناۆيرۋستىڭ تاعى دا تارالۋ قاۋپٸنە دايىندىق جۇمىستارى قالاي جٷرگٸزٸلٸپ جاتقانىن ايتىپ بەردٸ, دەپ حابارلايدى قازاقپارات.
«قالاداعى ەپيدەميلوگييالىق احۋالعا توقتالار بولسام, وسى جىلدىڭ 24 ناۋرىزىنان 16 قاراشاعا دەيٸنگٸ ارالىقتا COVID-19 اۋرۋىن 5 292 ادام جۇقتىردى. كوروناۆيرۋستىڭ ىقتيمال تولقىنىنا ٷش ستسەناريي بويىنشا دايىندالدىق. ا, ۆ, س جوسپارى بويىنشا 5 416 تٶسەك ورنىنا دەيٸن ەزٸرلەۋگە مٷمكٸندٸك بار. قالادا جالپى قۋاتتىلىعى كٷنٸنە 3550 تەستكە جەتەتٸن 9 پتر زەرتحانا بار. جاڭادان 100 جەدەل جەردەم اۆتوكٶلٸگٸ الىنىپ, اۆتوپارك تولىعىمەن جاڭارتىلدى. جاڭا call-center ٸسكە قوسىلدى. قوڭىراۋ قابىلداۋ قۋاتتىلىعى تەۋلٸگٸنە 3 500-گە جەتتٸ», - دەيدٸ مۇرات ەيتەنوۆ.
شىمكەنت قالاسىنىڭ ەكٸمٸ سونىمەن قاتار, بيىل 6,4 ملرد تەڭگەگە 7 مەديتسينا مەكەمەنٸڭ عيماراتىنا كٷردەلٸ جٶندەۋ جۇمىستارى جٷرگٸزٸلگەنٸن ايتادى. ال ماتەريالدىق-تەحنيكالىق جابدىقتاۋعا 6 ملرد 600 ملن تەڭگە بٶلۋ كٶزدەلگەن. بٷگٸنگٸ تاڭدا قالادا 19 كومپيۋتەرلٸك توموگرافييا اپپاراتتارى جۇمىس ٸستەپ تۇر.
«جىل باسىندا قالادا ٶكپەنٸ جاساندى جەلدەتۋدٸڭ 310 اپپاراتى بولسا, قازٸر ولاردىڭ سانى 612-گە جەتتٸ. 3 وتتەگٸ ستانتسيياسى ورناتىلدى. بۇدان بٶلەك سۇيىق وتتەگٸگە ارنالعان 9 رەزەرۆۋار ورناتۋ جۇمىستارى جٷرگٸزٸلۋدە. مەديتسينالىق ۇيىمداردا COVID-19 ٸندەتٸنە قارسى ەكٸ ايلىق دەرٸلٸك زاتتار جەنە مەديتسينالىق بۇيىمدار قورى قالىپتاستى, قورعا 659 ملن تەڭگە بٶلٸندٸ. قالاداعى دەرٸحانالار مونيتورينگ جاسالۋدا. بٷگٸنگٸ كٷنٸ قالانىڭ دەرٸحانالارىندا كوروناۆيرۋستى ەمدەۋگە قاجەت 1,7 ملرد.تەڭگە كٶلەمٸندە دەرٸ-دەرمەك قورى بار», - دەيدٸ ول.
مۇرات ەيتەنوۆ تٶتەنشە جاعداي كەزەنٸڭدە تابىسىنان ايىرىلعان ازاماتتارعا «مەملەكەتتٸك ەلەۋمەتتٸك ساقتاندىرۋ قورى» ەسەبٸنەن ەلەۋمەتتٸك تٶلەم بەرۋ جۇمىستارى جٷرگٸزٸلگەنٸن ايتادى. وسىلايشا بٸرٸڭشٸ كەزەڭدە 285 551 ادامعا 19,9 ملرد تەڭگە, ەكٸنشٸ كەزەڭدە 143 519 ادامعا 6,1 ملرد تەڭگە كٶلەمٸندە ەلەۋمەتتٸك تٶلەم بەرٸلگەن. 41 مىڭنان استام از قامتاماسىز ەتٸلگەن وتباسىعا «بٸز بٸرگەمٸز» قوعامدىق قورىنان 50 مىڭ تەڭگەدەن, 17 مىڭنان استام ازاماتتاردىڭ كوممۋنالدىق شىعىستارى مەملەكەتتٸك بيۋدجەتتەن ٶتەلگەن.
