شىعىس قازاقستان وبلىسىنداعى باتىس التاي مەملەكەتتٸك تابيعي قورىعىندا 400 جىلدىق بالقاراعاي ٶسەدٸ, دەپ حابارلايدى "ۇلت اقپارات".
ريددەر اۋماعىندا ورنالاسقان باتىس-التاي مەملەكەتتٸك تابيعي قورىعىندا 400 جىلدىق بالقاراعاي ٶسەدٸ.
ونى جەرگٸلٸكتٸ قورىقشىلار «ورمان پاتشاسى» دەپ اتاپ كەتكەن.
«اتالعان بالقاراعاي لينەيسكيي جوتاسىندا ٶسەدٸ. نەگٸزگٸ دٸڭٸنٸڭ ديامەترٸ – 2 مەتر, بيٸكتٸگٸ – 18,5 مەتر. جاسى – 400 جىلدان اسادى. اعاش جەمٸس بەرٸپ تۇر. بالقاراعايدىڭ جاڭعاعىمەن ورمانداعى بارلىق تٸرشٸلٸك يەسٸ قورەكتەنەدٸ. ەگەر ول جەمٸسسٸز بولسا, تايگانىڭ تۇرعىندارى دا ٶمٸر سٷرە المايدى. بالقاراعايعا ەشبٸر اعاش تەڭ كەلمەيدٸ. بۇل اعاش سٸبٸر جەنە التاي حالىقتارى ٷشٸن كيەلٸ سانالادى», - دەپ جازىلعان قورىقتىڭ Instagram جەلٸسٸندەگٸ پاراقشاسىندا.
بالقاراعاي قورىقتىڭ بارلىق اۋماعىندا ٶسەدٸ. قورىقشىلاردىڭ ايتۋىنشا, ورمان اۋماعىندا ٶرت جيٸ شىقسا بالقاراعايدىڭ سانى بٸرشاما ازايىپ كەتپەك. سوندىقتان ٶڭٸر جۇرتشىلىعى ورمانعا بارعان كەزدە ٶرت قاۋٸپسٸزدٸگٸ تالاپتارىن قاتاڭ ساقتاۋى قاجەت.
