Shyǵys Qazaqstan oblysyndaǵy Batys Altai memlekettik tabiǵi qoryǵynda 400 jyldyq balqaraǵai ósedi, dep habarlaidy "Ult aqparat".
Ridder aýmaǵynda ornalasqan Batys-Altai memlekettik tabiǵi qoryǵynda 400 jyldyq balqaraǵai ósedi.
Ony jergilikti qoryqshylar «orman patshasy» dep atap ketken.
«Atalǵan balqaraǵai Lineiskii jotasynda ósedi. Negizgi dińiniń diametri – 2 metr, biiktigi – 18,5 metr. Jasy – 400 jyldan asady. Aǵash jemis berip tur. Balqaraǵaidyń jańǵaǵymen ormandaǵy barlyq tirshilik iesi qorektenedi. Eger ol jemissiz bolsa, taiganyń turǵyndary da ómir súre almaidy. Balqaraǵaiǵa eshbir aǵash teń kelmeidi. Bul aǵash Sibir jáne Altai halyqtary úshin kieli sanalady», - dep jazylǵan qoryqtyń Instagram jelisindegi paraqshasynda.
Balqaraǵai qoryqtyń barlyq aýmaǵynda ósedi. Qoryqshylardyń aitýynsha, orman aýmaǵynda órt jii shyqsa balqaraǵaidyń sany birshama azaiyp ketpek. Sondyqtan óńir jurtshylyǵy ormanǵa barǵan kezde órt qaýipsizdigi talaptaryn qatań saqtaýy qajet.
