شىعىس قازاقستان وبلىسىنىڭ پوليتسييا قىزمەتكەرلەرٸ جوعالعان 39 جىلقىنى يەسٸنە قايتاردى, دەپ حابارلايدى "ۇلت اقپارات".
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, 16 ماۋسىمدا بەسقاراعاي اۋداندىق پوليتسييا بٶلٸمٸنە 59 جاستاعى ازامات جٷگٸنگەن.
ٶز سٶزٸندە ول 8-9 ماۋسىم ارالىعىندا چەرەمۋشكي اۋىلىنىڭ ماڭىنداعى جايىلىمنان 39 جىلقىسىنىڭ جوعالىپ كەتكەنٸن جەتكٸزدٸ.
مال يەسٸنە كەلگەن شىعىن كٶلەمٸ 23 400 000 تەڭگەنٸ قۇراعان.
«بەلگٸلٸ بولعانداي, ەر ادام بٸر اپتا بويى مالدى ٶز بەتٸمەن ٸزدەگەنٸمەن ودان ەش نەتيجە شىقپاعان. پوليتسييا قىزمەتكەرلەرٸ بٸردەن جەدەل-ٸزدەستٸرۋ شارالارىنا كٸرٸستٸ. ٷش موبيلدٸ توپ قۇرىلىپ, كٶرشٸلەس پاۆلودار وبلىسىنا جول تارتقان. جاقىن ماڭداعى بارلىق شارۋا قوجالىقتارى تٷگەل تەكسەرٸلدٸ. ٸزدەستٸرۋ جۇمىستارىنا جەرگٸلٸكتٸ تۇرعىندار مەن باسقا مالشىلار دا تارتىلعان», - دەپ حابارلادى ۆەدومستۆو ٶكٸلدەرٸ.
وسىنىڭ نەتيجەسٸندە, بٸر ٷيٸر جىلقى گراچي اۋىلىنىڭ ماڭىنان تابىلدى.
مال يەسٸ ٶز كەزەگٸندە تەرتٸپ ساقشىلارىنا العىسىن بٸلدٸرٸپ, ريزاشىلىعىن جەتكٸزدٸ.
