Shyǵys Qazaqstan oblysynyń politsiia qyzmetkerleri joǵalǵan 39 jylqyny iesine qaitardy, dep habarlaidy "Ult aqparat".
ShQO politsiia departamenti baspasóz qyzmetiniń málimetine súiensek, 16 maýsymda Besqaraǵai aýdandyq politsiia bólimine 59 jastaǵy azamat júgingen.
Óz sózinde ol 8-9 maýsym aralyǵynda Cheremýshki aýylynyń mańyndaǵy jaiylymnan 39 jylqysynyń joǵalyp ketkenin jetkizdi.
Mal iesine kelgen shyǵyn kólemi 23 400 000 teńgeni quraǵan.
«Belgili bolǵandai, er adam bir apta boiy maldy óz betimen izdegenimen odan esh nátije shyqpaǵan. Politsiia qyzmetkerleri birden jedel-izdestirý sharalaryna kiristi. Úsh mobildi top qurylyp, kórshiles Pavlodar oblysyna jol tartqan. Jaqyn mańdaǵy barlyq sharýa qojalyqtary túgel tekserildi. Izdestirý jumystaryna jergilikti turǵyndar men basqa malshylar da tartylǵan», - dep habarlady vedomstvo ókilderi.
Osynyń nátijesinde, bir úiir jylqy Grachi aýylynyń mańynan tabyldy.
Mal iesi óz kezeginde tártip saqshylaryna alǵysyn bildirip, rizashylyǵyn jetkizdi.
