شىعىس قازاقستان وبلىسىنىڭ زايسان اۋدانىندا ەكپٸندٸ جەل جەكە ٷيلەردٸڭ شاتىرىن ۇشىرىپ ەكەتتٸ, دەپ حابارلايدى "ۇلت اقپارات" شقو تٶتەنشە جاعدايلاپ دەپارتامەنتٸنە سٸلتەمە جاساپ.
شىعىس قازاقستان وبلىسىنىڭ زايسان اۋدانىندا تابيعي زاۋالدان ەسٸرەسە قاراتال اۋىلى قاتتى زارداپ شەكتٸ. مۇندا ساناۋلى مينۋتتاردا ٶتە كٷشتٸ جەل سوعىپ, ەكپٸنٸ سەكۋندىنا 27 مەترگە جەتكەن. اۋىلداعى كٶشەلەردٸڭ بٸرٸندە 25-30 ٷيدٸڭ شاتىرى جۇلىنعان.
جەرگٸلٸكتٸ تۇرعىندار اراسىندا زارداپ شەككەن ەشكٸم جوق. وقيعا ورنىندا ارنايى كوميسسييا جۇمىس ٸستەپ جاتىر. ولار تابيعات اپاتىنان كەلگەن شىعىننىڭ كٶلەمٸن انىقتاۋ ٷستٸندە.
ەسكە سالا كەتەيٸك, كەشە «قازگيدرومەت» ماماندارى شىعىس قازاقستاندا جەل سوعىپ, داۋىل تۇراتىنىن, بۇرشاق جاۋاتىنىن ەسكەرتكەن بولاتىن.
