شىعىس قازاقستان وبلىسىنىڭ بەسقاراعاي اۋدانى اۋماعىنداعى «سەمەي ورمانى» مەملەكەتتٸك ورمان تابيعي رەزەرۆاتىندا قاراعايلار ٶرتەنٸپ جاتىر, دەپ حابارلايدى "ۇلت اقپارات" ٶتەنشە جاعدايلار كوميتەتٸنە سٸلتەمە جاساپ.
ٶرتتٸ سٶندٸرۋگە وبلىستىق تجد مەن «سەمەي ورمانى» تابيعي رەزەرۆاتىنىڭ 73 قىزمەتكەرٸ مەن 13 تەحنيكاسى جۇمىلدىرىلدى. سونىمەن قاتار قىزىل جالىندى اۋىزدىقتاۋعا مي-2 تٸكۇشاعى مەن شقو ەكٸمدٸگٸنٸڭ ەۋە بٶلٸمشەسٸنٸڭ سۋ شاشاتىن قۇرىلعىسى بار مي-8 تٸكۇشاعى تارتىلعان. ورمان ٶرتٸنەن ەلدٸ مەكەندەرگە قاۋٸپ تٶنٸپ تۇرعان جوق.
قازٸرگٸ ۋاقىتتا شىعىس قازاقستان وبلىسىندا اۋا تەمپەراتۋراسى +30 گرادۋس ىستىق. بۇعان قوسا باتىستان ەكپٸنٸ 10 مەتر, كەيدە 14 مەترگە جەتەتٸن جەل سوعىپ تۇر.
