شىعىس قازاقستان وبلىسىندا تٶتەنشە جاعداي رەجيمٸ ەنگٸزٸلەدٸ. تٶتەنشە جاعدايلار مينيسترلٸگٸنٸڭ رەسمي ٶكٸلٸ تالعات ۋەلي وسىلاي مەلٸمدەدٸ, دەپ حابارلايدى "ۇلت اقپارات".
«يە, بٷگٸن شىعىس قازاقستان وبلىسىنىڭ ەكٸمدٸگٸ ريددەر قالاسىنىڭ اۋدانىندا قالالىق اۋقىمداعى تج جارييالايدى», - دەپ جاۋاپ بەردٸ تالعات ۋەلي جۋرناليستەردٸڭ ساۋالىنا.
ول سونداي-اق ريددەردە ٶرت تولىعىمەن اۋىزدىقتالعانىن حابارلادى.
«قازٸر ورماننىڭ جەكەلەگەن ۋچاسكەلەرٸن سٶندٸرۋ جٷرٸپ جاتىر. كەشكە قاراي ماماندار بارلىق جۇمىلدىرىلعان كٷشتٸڭ كٶمەگٸمەن ٶرتتٸ تولىعىمەن سٶندٸرەدٸ», - دەدٸ مينيسترلٸكتٸڭ رەسمي ٶكٸلٸ.
ەسكە سالا كەتەيٸك, كەشە ريددەردە اۋقىمدى ٶرت بولىپ سالدارىنان ەكٸ ادام اۋرۋحاناعا تٷسٸپ, 73 جاستاعى ەيەل ادام كٶز جۇمدى. سوڭعى دەرەك بويىنشا 283 گەكتار اۋماق وتقا ورانعان.
پرەزيدەنت قاسىم-جومارت توقاەۆ ريددەردەگٸ تۇرعىن ٷيلەردٸ قامتىعان ٸرٸ ورمان ٶرتٸنە نازار اۋدارىپ, جاۋاپتى ورىندارعا زارداپ شەككەندەرگە دەر كەزٸندە كٶمەك كٶرسەتۋ تۋرالى تاپسىرما بەردٸ.
