فوتو: شىعىس قازاقستان ەكٸمدٸگٸ
شىعىس قازاقستانداعى كاتونقاراعاي اۋدانىنا قاراستى 17 اۋىلدىڭ تۇرعىندارى ٶز ۋاقىت بەلدەۋٸنە كٶشٸپ, جاڭا كەستە بويىنشا جۇمىس ٸستەپ جاتىر, دەپ حابارلايدى Ult.kz Stan.kz-كە سٸلتەمە جاساپ.
جەرگٸلٸكتٸ ەكٸمدٸكتٸڭ مەلٸمەتٸنشە, 2025 جىلدىڭ 5 قاڭتارىنان باستاپ قاتونقاراعاي اۋدانىندا بەس كٷندٸك جۇمىس اپتاسى ەنگٸزٸلٸپ, جۇمىس ۋاقىتى ساعات 08:00-دەن 17:30-عا دەيٸن جالعاسادى. ساعات 12:00-دەن 13:30 تٷسكٸ ٷزٸلٸس ۋاقىتى بولىپ بەلگٸلەندٸ.
قاتونقاراعاي اۋدانى ەكٸمدٸگٸنٸڭ ٸشكٸ ساياسات بٶلٸمٸنٸڭ باسشىسى گٷلنەر جاقسىلىقوۆا ٶتكەن جىلدىڭ سوڭىندا اۋدانعا جۇمىس توبى كەلٸپ, ۋاقىت بەلدەۋٸ مەسەلەسٸن تالقىلاعانىن ايتتى. تۇرعىندارمەن كەزدەسۋ بارىسىندا پيلوتتىق جوبانى ٸسكە قوسىپ, جۇمىس كٷنٸن ساعات 08:00-دەن باستاۋ تۋرالى شەشٸم قابىلداندى.
“قاتونقاراعايدا تاڭ ەرتە اتادى, بٸز شىعىستامىز, ساعات بەستە جارىق بولىپ تۇرادى. اۋىلدا ادامدار دا ەرتە تۇرادى. سوندىقتان كٶپشٸلٸك بٸردەن كەلٸستٸ. اۋدان ەكٸمٸنٸڭ ٶكٸمٸمەن 5 قاڭتاردان باستاپ تاڭعى سەگٸزدەن باستاپ جۇمىس ٸستەيمٸز”, – دەدٸ گٷلنەر جاقسىلىقوۆا.
ەكٸمدٸكتٸڭ مەلٸمەتٸنشە, اۋدانداعى 40 مەكەمەنٸڭ بارلىعى جاڭا جۇمىس كەستەسٸنە كٶشتٸ. دەگەنمەن كٶبٸنە بەيٸمدەلۋدٸڭ دە قاجەتٸ بولمادى. ٶيتكەنٸ مەكتەپتەر, بالاباقشالار مەن اۋرۋحانالار ونسىز دا تاڭعى ساعات 08:00-دەن باستاپ جۇمىس ٸستەيتٸن كٶرٸنەدٸ.
“بۇل ٶتە ىڭعايلى. بۇعان دەيٸن بالالاردى ساعات 08:00-دە اپاراتىنبىز, سوسىن 09:00-دە عانا جۇمىسقا كٸرٸسەتٸنبٸز. ال قازٸر جۇمىسقا بارا جاتقاندا بالانى بالاباقشاعا اپارىپ, ەرتەرەك بوساپ, ٷيگە كەلٸپ, بٸراز شارۋانى بٸتٸرٸپ ٷلگەرۋگە بولادى. بۇل بٸزگە قولايلى. بۇرىنعى كەستەگە ورالعىمىز كەلمەيدٸ”, – دەيدٸ ٸشكٸ ساياسات بٶلٸمٸنٸڭ باسشىسى.
جەرگٸلٸكتٸ تۇرعىنداردىڭ بۇل شەشٸمٸن كەسٸپكەرلەر دە قولداعان.
“بٸز تۋريستٸك ايماقپىز, كٶپ ادامدار ازىق-تٷلٸك دٷكەنٸنە تاڭنان كەلەدٸ, ال بٸز ول كەزدە اشىق بولامىز. بۇل بارلىعىنا ىڭعايلى”, – دەيدٸ كەسٸپ يەلەرٸ.
رەسمي مەلٸمەتتەرگە سەنسەك, پيلوتتىق جوبا كاتونقاراعاي اۋدانىنىڭ قابىرعا, بەلقاراعاي, ٶرنەك, توپقايىڭ, بارلىق, كوروبيحا جەنە اقسۋ, ٶرەل, ارشاتى, بەرەل, جامبىل, قايىڭدى, قىزىل جۇلدىز, اققاينار, ەڭبەك, شىڭعىستاي, جاڭاٷلگٸ اۋىلدارىندا ەنگٸزٸلدٸ.
