بٷگٸن مەجٸلٸستٸڭ جالپى وتىرىسىندا دەپۋتات, «اق جول» پارتيياسى فراكتسيياسى مٷشەسٸ قازىبەك يسا شىعارماشىلىق وداقتاردى قارجىلاندىرۋ مەسەلەسٸنە قاتىستى پرەمەر-مينيستردٸڭ ورىنباسارى ەرالى توعجانوۆتىڭ اتىنا ساۋال جولدادى. ۇلت پورتالى مەتٸننٸڭ تولىق نۇسقاسىن ۇسىنادى.
***
ٶتكەندە, 3 ماۋسىمدا قر پارلامەنتٸ مەجٸلٸسٸنٸڭ ەلەۋمەتتٸك-مەدەني كوميتەتٸ «ۇلتتىڭ جاڭا بولمىسىن قالىپتاستىرۋداعى شىعارماشىلىق وداقتار مەن قوعامدىق ۇيىمداردىڭ رٶلٸ» اتتى پارلامەنت تاريحىنداعى تۇڭعىش رەت تەك قانا مەملەكەتتٸك تٸلدە ٶتكەن ٷلكەن جيىن ٶتكٸزدٸ.
كەلەلٸ كەڭەستە كەڭٸنەن تالقىلانعانداي, ۇلتتىڭ جاڭا بولمىسىن قالىپتاستىرۋ ٷشٸن ەڭ الدىمەن ٶز بولمىسىمىزدى جات بولمىستان قورعاي بٸلۋٸمٸز كەرەك! بٷگٸنگٸدەي جاھاندانۋ دەۋٸرٸندە جات بولمىستان قورعانۋدا اقپاراتتىق-رۋحاني قاۋٸپسٸزدٸكتٸڭ رٶلٸ زور! ال بٸزدٸڭ تەلەارنالارداعى قاپتاعان ٶزگە ەلدٸڭ تەلەسەريالدارىنىڭ ەلگە ەسەرٸ ٷكٸمەتتٸڭ بۇيرىقتارى مەن پارلامەنتتٸڭ زاڭدارىنان دا ىقپالدى بولىپ كەتەتٸنٸن ۇمىتپايىق. كەيدە تەرٸس تەربيەگە, ۇلتسىزدىققا شەتەلدٸك اقپاراتتىق ەكسپانسييامەن بٸرگە ٶزٸمٸزدٸڭ ۇلتتىق ۇعىمنان جۇرداي تٷرلٸ فيلمدەرٸمٸزدٸڭ دە, جەڭٸل كٷلكٸگە قۇرىلعان سايقىمازاقتىق شۋ مەن شوۋلاردىڭ ەسەرٸ از ەمەس. ەل تەلەارنالارىنا تٸزەسٸ جالتىراعان جىرتىق شالبارلى ەنشٸلەر شىعىپ جاتقاندا, جالپى وسى بٸزدٸڭ يدەولوگييامىزدىڭ ٶزٸ بٷتٸن بە دەپ ويلاۋعا تۋرا كەلەدٸ كەيدە...
رۋحاني جاڭعىرۋدىڭ نەگٸزٸ - ۇلتتىق مٷددەمٸزدٸ قورعايتىن ۇلتتىق بولمىستى قالىپتاستىراتىن ەڭ الدىمەن ۇلتتىڭ رۋحانيياتى مەن مەدەنيەتٸ. ەدەبيەتٸ مەن ٶنەرٸ! بٸلٸم مەن عىلىمى! ياعني, ۇلتتىڭ زييالى قاۋىمى بٸرٸككەن شىعارماشىلىق وداقتار.
كٶزٸمٸز جەتكەندەي, ٸس جٷزٸندە مەملەكەتتٸڭ ستراتەگييالىق سەرٸكتەسٸ جەنە قوعامداعى ۇلتتىق يدەيالاردىڭ قوزعاۋشى كٷشٸ بولۋعا تيٸس شىعارماشىلىق وداقتار قازٸر قارجىلىق قيىندىقتاردان شىعا الماي, ٶز كٷندەرٸن زورعا كٶرٸپ كەلە جاتىر.
قانداي ەلدٸڭ دامۋىندا دا, ەڭ الدىمەن مەدەنيەتتٸڭ ماڭىزى زور!
ەكٸنشٸ دٷنيەجٷزٸلٸك سوعىس كەزٸندە انگلييانىڭ ەيگٸلٸ پرەمەرٸ چەرچيللگە قارجى مينيسترٸ ەل بيۋدجەتٸن كٶرسەتەدٸ. سوندا ول "مەدەنيەتتٸڭ شىعىندارى قايدا?" دەپ سۇرايدى. "قايداعى مەدەنيەت سوعىس كەزٸندە?" دەپتٸ مينيستر. سوندا چەرچيلل: "ال بٸز وندا نە ٷشٸن سوعىسىپ جاتىرمىز, ەگەر مەدەنيەتتٸ قورعاپ قالا الماساق?" دەگەن ەكەن.
يە, “ەگەر تٸلٸڭ مەن مەدەنيەتٸڭدٸ ساقتاي الماساڭ, شەكاراڭدى اشا سال, بەرٸبٸر نەڭدٸ قورعايسىڭ? بۇل ەندٸ سەنٸڭ ەلٸڭ ەمەس!” - دەپ نەلسون ماندەلا تۋراسىن ايتقانداي, ەلدٸڭ ەڭ باستى قورعانى - تٸلٸ مەن مەدەنيەتٸ.
سوندىقتان دا, ەڭ باستىسى, ۇلتتىق بولمىسىمىز ۇلتتىق مٷددەمٸزدٸ قورعاۋعا لايىق بولۋى ٷشٸن, مەدەنيەتٸمٸزدٸڭ مەيەكتٸ بولۋىنا باستى نازار اۋدارۋعا تيٸستٸمٸز.
مەدەنيەتٸمٸزدٸ قولداۋعا باسا نازار اۋدارىپ كەلە جاتقان قازاقستان پرەزيدەنتٸ ق.توقاەۆتىڭ تاپسىرماسىمەن بىلتىر شىعارماشىلىق وداقتاردى قولداۋ قورى قۇرىلعان ەدٸ. قازٸر بۇل قوردىڭ جۇمىسى ەلٸ جٷرمەي جاتىر. شىعارماشىلىق وداقتار شىرىلداۋدا, قارجى جوق دەپ, ال مەدەنيەت مينيسترلٸگٸندەگٸ شىعارماشىلىق وداقتاردى قولداۋ ٷشٸن بيۋدجەتتەن بٶلٸنگەن 257 ميلليون تەڭگە دە يگەرٸلمەي قالدى. سەبەبٸ, شىعارماشىلىق وداقتار قۇجاتتارى كونكۋرستىق تالاپتارعا سەيكەس كەلمەدٸ دەيدٸ مينيسترلٸك. ٶزدەرٸ كٷن كٶرە الماي وتىرعان شىعارماشىلىق وداقتار وسىلاي قۇدايدىڭ ٶزٸ جٸبەرٸپ تۇرعان ٶزدەرٸنە تيەسٸلٸ سىباعاسىنان ايىرىلىپ وتىر. مۇنى قازاق «كەدەيدٸڭ اۋزى سٷتكە تيگەندە, مۇرنى قانايدى» دەيدٸ...
مۇنداي, قارجىلىق قيىن جاعدايدا, شىعارماشىلىق وداقتار ٶز مٷشەلەرٸنە قالاي قولداۋ جاساي الادى? نەگٸزٸنەن, شىعارماشىلىق وداقتاردىڭ قيىن جاعدايى ولاردى قارجىلاندىرۋ تەتٸكتەرٸنٸڭ زاڭنامالىق تۇرعىدا تيٸمدٸ جولعا قويىلماعاندىعىنان بولىپ وتىر.
شىعارماشىلىق وداقتاردىڭ مۇڭىن دا, مينيسترلٸكتەردٸڭ جىرىن دا تٷسٸنۋگە بولادى. ٶيتكەنٸ, بٸزدٸڭ زاڭىمىز بويىنشا ۇلتتىق مٷددەمٸزدٸ قورعاۋعا رۋحاني نەر بەرەتٸن, ۇلتشىل رۋحتى ۇرپاقتار تەربيەلەيتٸن جازۋشىلار, كومپوزيتورلار, سۋرەتشٸلەر, تەاتر, كينو وداقتارى, ياعني ۇلتتىق تەربيەگە ٷيرەتەتٸن وداقتار مەن ...يت ٷيرەتەتٸن وداقتاردىڭ رٶلٸ بٸردەي. مۇنداي, 22 مىڭ ۇيىمنىڭ بەرٸنە بٸر كٶزبەن قاراپ وتىرعاندا, بۇل مەسەلە ەشقاشان شەشٸلمەيدٸ.
سوندىقتان, ۇلتتىق بولمىسىمىزدى قالىپتاستىرۋدا ماڭىزى زور شىعارماشىلىق وداقتاردىڭ رٶلٸن ارتتىرۋ ٷشٸن مەملەكەتتٸڭ ستراتەگييالىق سەرٸكتەستٸگٸ ۇعىمىن ەنگٸزۋ كەزەك كٷتتٸرمەس مەسەلە دەپ بٸلەمٸز.
بيىل تەۋەلسٸزدٸگٸنە 30 جىل تولىپ جاتقان ەلٸمٸزدە, سوعىس كەزٸ ەمەس, قۇدايعا شٷكٸر بەيبٸت كەزەڭدە مەدەنيەتٸمٸز بەن تٸلٸمٸزدٸ ساقتاپ قالا الماساق, بٸز نە ٷشٸن وتىرمىز بۇل جەردە?
ەگەر ٷكٸمەت بۇل مەسەلەنٸ جاقىن ارادا شەشپەي, سٷيرەتە بەرەتٸن بولسا, بٸز زاڭعا ٶزگەرٸستەر ەنگٸزۋدٸ ٶز قولىمىزعا الامىز.
بٸزدٸڭ ۇسىنىستارىمىز:
1.شىعارماشىلىق وداقتاردى قارجىلاندىرۋدى زاڭنامالىق تۇرعىدان شەشۋ ٷشٸن ولارعا مەملەكەتتٸڭ ستراتەگييالىق سەرٸكتەسٸ ستاتۋسىن بەرۋ كەرەك.
2.شىعارماشىلىق وداقتاردىڭ مەملەكەتپەن ەرٸپتەستٸك قىزمەتٸن جانداندىرۋ ٷشٸن مەدەنيەت پەن ٶنەردٸ دامىتۋ گرانتتارىن تاعايىنداۋ قاجەت.
3. ۇلتتىق بولمىسىمىزدى جات بولمىستان قورعاۋ ٷشٸن ۇلتتىق يدەولوگييالىق, اقپاراتتىق-رۋحاني قاۋٸپسٸزدٸك تەتٸكتەرٸن جاساۋدى شۇعىل قولعا الۋ كەرەك.
قۇرمەتپەن, «اق جول» فراكتسيياسى دەپۋتاتتارى
