ورتالىق كوممۋنيكاتسييالار قىزمەتٸندە ٶتكەن ونلاين بريفينگٸدە «شۇعىلا» قوعامدىق قورىنىڭ قۇرىلتايشىسى مەيٸرحان ابدراحمانوۆ كوروناۆيرۋس ٸندەتٸ كەزٸندە ەلٸمٸزدەگٸ بارلىق ۆولونتەردٸڭ باسىن قوسىپ, وتتەگٸ كونتسەنتراتسيياسىن الۋ ٷشٸن قاراجاتتى قالاي جيناعانى تۋرالى ايتتى, دەپ حابارلايدى قازاقپارات.
«پاندەمييا اياق استىنان بولدى. باستاپقىدا بٸزدٸڭ ەلدە ونداي بولۋى مٷمكٸن ەمەس ەكەنٸنە سەنٸپ جٷردٸك. ماۋسىم ايىندا تۋىسقاندارىمىز دا, ٶزٸمٸز دە اۋىرا باستادىق. سول كەزدە «شۇعىلا» قوعامدىق قورىنىڭ قۇرىلتايشىلارى, كەسٸپكەرلەر باس قوسىپ, حالىققا وسىنداي كەزدە كٶمەكتەسپەگەندە قاي كەزدە كٶمەكتەسەتٸنٸمٸزدٸ ايتتىق. كوروناۆيرۋستى ەمدەيتٸن ورىندار كٶپتەپ اشىلعانمەن, ول جەردە وتتەگٸ جەتٸسپەي جاتتى. وتتەگٸ جەتٸسپەگەندٸكتەن قانشاما ادام ٶمٸردەن وزىپ كەتتٸ. بۇل مەسەلەنٸ وتتەگٸ كونتسەنتراتورى شەشەتٸنٸن بٸلدٸك. ونىڭ ەڭ ىڭعايلىسى – 5 ليترلٸگٸ ەكەن. ونىڭ قازاقستانداعى باعاسى قىتايمەن سالىستىرعاندا 6-7 ەسە قىمبات بولدى. سول سەبەپتٸ بٸردەن قىتايدان ساتىپ الۋعا شەشٸم قابىلدادىق», - دەيدٸ «شۇعىلا» قوعامدىق قورىنىڭ قۇرىلتايشىسى مەيٸرحان ابدراحمانوۆ.
ونىڭ ايتۋىنشا, باستاپقىدا كەسٸپكەر جٸگٸتتەر بٸرٸگٸپ, 50 وتتەگٸ كونتسەنتراتورىنا تاپسىرىس بەرگەن.
«وتتەگٸ كونتسەنتراتورىن الاتىنىمىز تۋرالى اقپاراتتى ەلەۋمەتتٸك جەلٸلەرگە جارييالادىق. بلوگەرلەر دە اقپارات تاراتۋعا اتسالىستى. وسىلايشا 2 اپتا ٸشٸندە 450 ملن تەڭگە جينالدى. ٷكٸمەت قاتتى كٶمەكتەسٸپ, كەدەننەن جىلدام ٶتكٸزدٸ. وتتەگٸ كونتسەنتراتورلارى قىسقا ۋاقىتتا قازاقستانعا, سونىڭ ٸشٸندە ەلٸمٸزدٸڭ تٷكپٸر-تٷكپٸرٸندەگٸ ايماقتارعا تاراتىلدى. سونىمەن قاتار, قىرعىزستان, ٶزبەكستان, تەجٸكستان سيياقتى باۋىرلار مەملەكەتتەرگە 20 كونتسەنتراتوردان بەردٸك», - دەيدٸ ول.
