شۋدا جانتٷرشٸگەرلٸك جول اپاتى بولىپ, بٸر ادام كٶز جۇمدى, دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
"9 قىركٷيەك تٷنگٸ ساعات 01:37 شاماسىندا شۋ قالاسىندا جول-كٶلٸك وقيعاسى بولدى. Mercedes Benz اۆتوكٶلٸگٸنٸڭ 30 جاستاعى جٷرگٸزۋشٸسٸ سەيفۋللين كٶشەسٸمەن ٷلكەن جىلدامدىقپەن كەلە جاتىپ, 29 جاستاعى جەرگٸلٸكتٸ تۇرعىننىڭ باسقارۋىنداعى Volkswagen Golf اۆتوكٶلٸگٸنٸڭ ارتقى جاعىنا سوقتىعىسقان. قاتتى سوققى سالدارىنان ٶرتەنگەن Volkswagen Golf كٶلٸك جٷرگٸزۋشٸسٸ ۆاز-21150 اۆتوكٶلٸگٸنٸڭ الدىڭعى جاعىن سوققان. جول-كٶلٸك اپاتى سالدارىنان Volkswagen Golf اۆتوكٶلٸگٸندە بولعان 21 جاستاعى جولاۋشى قىز وقيعا ورنىندا قايتىس بولىپ, وسى كٶلٸكتٸڭ 29 جاستاعى جٷرگٸزۋشٸسٸ مەن جولاۋشىسى تٷرلٸ دەنە جاراقاتتارىمەن شۋ قالاسىنىڭ ورتالىق اۋرۋحاناسىنا جەتكٸزٸلدٸ.
اتالعان دەرەككە قاتىستى قر قك 345-بابىنىڭ 3-بٶلٸگٸ بويىنشا سوتقا دەيٸنگٸ تەرگەۋ امالدارى باستالدى. سونداي-اق بٸرقاتار قاجەتتٸ ساراپتاما تاعايىندالدى. Mercedes Benz اۆتوكٶلٸگٸنٸڭ جٷرگٸزۋشٸسٸ ۋاقىتشا ۇستاۋ يزولياتورىنا قامالدى" - دەلٸنگەن حابارلامادا.
تەرگەۋ شارالارىن جٷرگٸزۋ بارىسىندا اتالعان كٶلٸكتٸڭ 30 جاستاعى جٷرگٸزۋشٸسٸ Volkswagen Golf اۆتوكٶلٸگٸمەن سوقتىعىسقانعا دەيٸن Mercedes Benz 124 اۆتوكٶلٸگٸمەن سوقتىعىسقانى انىقتالدى. Volkswagen Golf اۆتوكٶلٸگٸمەن سوقتىعىسقاننان كەيٸن Auid 100 اۆتوكٶلٸگٸمەن سوقتىعىسقان, ال بۇل ماشينا ينەرتسييا بويىنشا جاقىن ماڭداعى Mercedes Benz 124 ماشيناسىن سوققان.
اتالعان كٶلٸكتەردٸڭ بارلىعى تۇراققا قويىلدى, كٶلٸك سالوندارىندا جٷرگٸزۋشٸلەر دە, جولاۋشىلار دا بولعان جوق. قازٸرگٸ ۋاقىتتا وسى وقيعاعا قاتىستى بارلىق قاجەتتٸ تەرگەۋ امالدارى جٷرگٸزٸلٸپ جاتىر.
