شورتاندى كەنتٸندەگٸ ٷش پەتەرلٸ ٷيدە گاز باللونىنىڭ جارىلۋىنا ٶرت قاۋٸپسٸزدٸگٸ ەرەجەسٸنٸڭ ساقتالماۋى سەبەپ بولعان. بۇل تۋرالى بريفينگٸدە اقمولا وبلىستىق تجد باستىعىنىڭ ورىنباسارى ماناربەك شاپاعاتوۆ مەلٸم ەتتٸ, دەپ حابارلايدى قازاقپارات.
«الدىن الا انىقتالعانداي, ٶرتتٸڭ شىعۋىنا قاراپايىم ٶرت قاۋٸپسٸزدٸگٸ, ياعني گاز قۇرىلعىسىن پايدالانۋ ەرەجەسٸنٸڭ ساقتالماۋى سەبەپ بولعان. قازٸرگٸ كەزدە ساراپتاما تاعايىندالىپ, زەرتتەلۋدە. جارىلىس سالدارىنان تۇرعىن ٷيدٸڭ شاتىرى مەن پەتەرلەردٸ بٶلٸپ تۇراتىن ٸشكٸ قابىرعالار وپىرىلىپ تٷستٸ. گاز باللونى جارىلعان پەتەردە بٸر وتباسى تۇرعان. سول كٷنٸ وندا قوناق شاقىرىلعان. زارداپ شەككەندەردٸڭ بارلىعى سول ٷيدٸڭ تۇرعىندارى ەمەس, اراسىندا بالالارىمەن بٸرگە قوناققا كەلگەندەر دە بار. كٶرشٸ پەتەردەگٸ ادامدار زارداپ شەككەن جوق. ولارعا تەك ماتەريالدىق شىعىن كەلدٸ», - دەدٸ ماناربەك شاپاعاتوۆ.
ەسكە سالا كەتسەك, كەشە شورتاندى كەنتٸندە باراك تيپتٸ ٷش پەتەرلٸ ٷيدە گاز باللونى جارىلدى. وقىس وقيعا تۋرالى حابارلاما ٶرت سٶندٸرۋ بٶلٸمٸنە ساعات 21:38-دە كەلٸپ تٷسكەن. ٶرتتٸ سٶندٸرۋگە تجد-نىڭ 35 قىزمەتكەرٸ مەن 7 تەحنيكاسى, «جەر انا» جشس مەٶقق-نىڭ 4 قىزمەتكەرٸ مەن 1 تەحنيكاسى جۇمىلدىرىلعان.
قازٸرگٸ مەلٸمەت بويىنشا, ٷيٸندٸنٸڭ استىنان ٷش ادامنىڭ دەنەسٸ تابىلدى, ونىڭ بٸرەۋٸ كەمەلەتتٸك جاسقا تولماعان بالا. سونىمەن بٸرگە, تٷرلٸ دەڭگەيدەگٸ دەنە كٷيٸگٸمەن 10 ادام اۋرۋحاناعا جاتقىزىلدى, ونىڭ ٸشٸندە بالالار بار. كەيبٸر زارداپ شەككەندەردٸڭ جاعدايى اۋىر.
