فوتو: Halyq Uni
قازاقستاننىڭ باس ەسكەري پروكۋرورى داستان سەكەنوۆ شٶلدالاداعى ساربازدىڭ ٶلٸمٸ بويىنشا سوت ٷكٸمٸنە نارازىلىق بٸلدٸرەتٸنٸن مەلٸمدەدٸ, حابارلايدى Sputnik قازاقستان.
24 تامىزدا شىمكەنت گارنيزونىنىڭ ەسكەري سوتىندا جامبىل وبلىسىنىڭ "شٶلدالا" شەكارا زاستاۆاسىنداعى بٶلٸمشە كومانديرٸ ايبەك نۇرتاەۆقا ٷكٸم شىعارىلدى. ول قىلمىستىق كودەكستٸڭ تٶرت بابىمەن ايىپتالدى, بٸراق ەڭ اۋىر ەكٸ باپ – ٶزٸن-ٶزٸ ٶلتٸرۋگە دەيٸن جەتكٸزۋ جەنە اۋىر زارداپتارعا ەكەپ سوقتىرعان بيلٸكتٸ اسىرا پايدالانۋ بويىنشا اقتالدى.
ونىڭ ادۆوكاتى پٸرەليەۆتٸڭ ايتۋىنشا, كەلٸسٸمشارتپەن قىزمەت اتقارعان كوماندير "بوپسالاۋ", سونداي-اق ەكٸ ساربازدى باسىنان ۇرعانى ٷشٸن بيلٸكتٸ نەمەسە قىزمەتتٸك ٶكٸلەتتٸكتەردٸ اسىرا پايدالانۋ بويىنشا كٸنەلٸ دەپ تانىلعان.
"مەنٸڭ قورعالۋشىم 3,5 جىلعا باس بوستاندىعىنان ايىرىلدى. بٸراق بٸر جىل بۇرىن قاماۋعا الىنعانىن ەسكەرۋ كەرەك. بۇل ۋاقىت جازا مەرزٸمٸندە بٸر جارىم كٷن رەتٸندە ەسەپتەلەدٸ. ياعني, قازٸرگٸ ۋاقىتتا ول بٸر جارىم جىل جازاسىن ٶتەگەن دەپ ەسەپتەلەدٸ. ٷكٸمگە بٸز شاعىمدانامىز, بٸراق ول زاڭدى كٷشٸنە ەنسە دە, ول بەس ايدان كەيٸن شارتتى جازا بويىنشا شىعادى", - دەدٸ ادۆوكات پٸرەليەۆ Sputnik قازاقستان تٸلشٸسٸنە بەرگەن سۇحباتىندا.
ال قازاقستاننىڭ باس ەسكەري پروكۋراتۋراسى سوت ٷكٸمٸمەن كەلٸسپەيدٸ. قاداعالاۋشى ورگان كوماندير ساربازدى ٶز-ٶزٸن ٶلتٸرۋگە دەيٸن جەتكٸزدٸ دەپ سانايدى جەنە وسى باپ بويىنشا سوتتاۋدى تالاپ ەتٸپ وتىر.
"ٷكٸم شىعارىلعان كەزدە ساربازدىڭ ٶز-ٶزٸنە قول سالۋىنا قاتىستى ٸس بٶلەك ٶندٸرٸسكە شىعارىلدى دا, بٸزگە جٸبەرٸلدٸ. بٸز قازٸر ول ٷكٸمگە نارازىلىق كەلتٸرەمٸز, ول زاڭدى كٷشٸنە ەنگەننەن كەيٸن تاعى قارايمىز. بٸزدٸڭ ويىمىزشا, كەلٸسٸمشارت بويىنشا قىزمەت اتقارعان ەسكەري قىزمەتشٸ جاساعان ەرەكەتٸنٸڭ نەتيجەسٸندە ميراش ٶز-ٶزٸنە قول سالدى", - دەدٸ باس ەسكەري پروكۋرور داستان سەكەنوۆ بٷگٸن جۋرناليستەرگە بەرگەن سۇحباتىندا.
كومانديردٸڭ كٸنەسٸ دەلەلدەنسە, ونى ٶزٸن-ٶزٸ ٶلتٸرۋگە دەيٸن جەتكٸزۋ بابى بويىنشا سوتتايدى. جازا كٷشەيتٸلەدٸ.
بەكبول ميراشتىڭ ٶلٸمٸ
2022 جىلدىڭ تامىزىندا جامبىل وبلىسىنداعى "شٶلدالا" شەكارا زاستاۆاسىندا 18 جاستاعى سارباز بەكبول ميراش سۋيتسيد جاسادى.
باستاپقىدا ساربازدىڭ وتباسىنا ونىڭ سٷيٸكتٸسٸمەن ۇرىسقانى تۋرالى حابارلانعان. الايدا سولدات قىزعا جازعان حابارلامالارىندا قورقىپ جٷرگەنٸن ايتقانى انىقتالدى. مارقۇم سارباز بەن قىزىنىڭ اراسىندا جانجال بولماعان.
سودان كەيٸن ونىڭ ٶلٸمٸنە سول زاستاۆانىڭ بٶلٸمشە كومانديرٸ كٷدٸكتٸ رەتٸندە تانىلىپ, اۋىر زارداپتارعا ەكەپ سوقتىرعان بيلٸكتٸ اسىرا پايدالاندى دەگەن ايىپ تاعىلدى.
ايىپتالۋشىنىڭ ادۆوكاتى سەرجان پٸرەليەۆ باق الدىندا سٶز سٶيلەپ, تەرگەۋ نەتيجەسٸمەن كەلٸسپەيتٸنٸن, تەرگەۋدە زاڭ بۇزىلعانىن ايتىپ دابىل قاقتى.
ونىڭ ايتۋىنشا, سوت-مەديتسينالىق ساراپتاما قازا تاپقان مەرزٸمدٸ ساربازدىڭ ٸش كيٸمٸ مەن اۋزىنان سپەرماتوزويد تابىلعانىن انىقتاعان. تەرگەۋ بارىسىندا تەرگەۋشٸ ەسكەري قىزمەتشٸگە قاتىستى جىنىستىق زورلىق-زومبىلىق نۇسقاسىن قاراۋدان باس تارتتى.
