مەملەكەت باسشىسى قاسىم-جومارت توقاەۆ تٷركٸستان وبلىسىنىڭ ەكٸمٸ ٶمٸرزاق شٶكەەۆتٸ قابىلدادى, - دەپ حابارلايدى "ۇلت اقپارات" اقوردا سايتىنا سٸلتەمە جاساپ.
قاسىم-جومارت توقاەۆقا 2021 جىلى تٷركٸستان وبلىسىندا اتقارىلعان جۇمىستار تۋرالى ەسەپ بەرٸلدٸ.
ٶمٸرزاق شٶكەەۆتٸڭ ايتۋىنشا, ەكونوميكانىڭ نەگٸزگٸ كٶرسەتكٸشٸ – جالپى ٶڭٸرلٸك ٶنٸم كٶلەمٸنٸڭ ٶسٸمٸ بىلتىر 2020 جىلمەن سالىستىرعاندا 4,7 پايىزعا ارتقان. اۋىل شارۋاشىلىعى سالاسىندا 906,5 ميلليارد تەڭگەنٸڭ ٶنٸمٸ ٶندٸرٸلٸپ, ٶسٸم 101,7 پايىزدى قۇراعان. بۇل نەتيجە وبلىستىڭ رەسپۋبليكاداعى ٷلەسٸ بويىنشا ەكٸنشٸ ورىنعا شىققانىن كٶرسەتەدٸ. ايماق ەكٸمٸ «قاراپايىم زاتتار ەكونوميكاسى» باعدارلاماسى اياسىندا 315 جوبا قارجىلاندىرىلعانىن ايتتى.
پرەزيدەنتكە ٶڭٸردەگٸ قۇرىلىس قارقىنىنىڭ ارتقانى تۋرالى مەلٸمەت بەرٸلدٸ. قۇرىلىس جۇمىستارىنىڭ كٶلەمٸ 2020 جىلمەن سالىستىرعاندا 4,1 پايىزعا ارتقان. ٶمٸرزاق شٶكەەۆ تٷركٸستان قالاسىن تٷركٸ ەلەمٸنٸڭ مەدەني-رۋحاني ورتالىعى رەتٸندە قالىپتاستىرۋ جۇمىستارىنىڭ بٸرٸنشٸ كەزەڭٸ اياقتالىپ, ەلەۋمەتتٸك ينفراقۇرىلىمنىڭ نەگٸزٸ قالانعانىن جەتكٸزدٸ. ونىڭ ايتۋىنشا, وبلىستىڭ 2021-2025 جىلدارعا ارنالعان جاڭا كەشەندٸ جوسپارى بەكٸتٸلگەن.
وبلىس ەكٸمٸ «حالىق ٷنٸنە قۇلاق اساتىن مەملەكەت» تۇجىرىمداماسىنا سەيكەس, سايرام اۋدانىندا جٷزەگە اسىرىلعان «پاراسات» ديسكۋسسييالىق كلۋبى پيلوتتىق جوباسى تۋرالى باياندادى. اتالعان جوبا وبلىس, اۋدان, ايماقتاعى كٷشتٸك قۇرىلىم باسشىلارىنىڭ تۇرعىندارمەن كەزدەسۋلەرٸن, اشىق ەڭگٸمەلەسۋلەرٸن قامتاماسىز ەتەدٸ.
قاسىم-جومارت توقاەۆ تٷركٸستان وبلىسىندا اتقارىلىپ جاتقان جۇمىستارعا وڭ باعا بەرە وتىرىپ, قولعا الىنعان جوبالاردى جالعاستىرۋدى جەنە حالىقپەن تىعىز جۇمىس ٸستەۋ مەسەلەسٸن كٷشەيتۋدٸ تاپسىردى.
