شىعىس قازاقستان وبلىسى شەمونايحا اۋدانىندا 6 گەكتاردى شارپىعان دالا ٶرتٸ اۋىزدىقتالدى, دەپ حابارلايدى قازاقپارات.
شقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, 2 قىركٷيەك كٷنٸ شەمونايحا اۋدانىندا شٶپ ٶرتەنگەن. وقيعا ورنىنا قۇتقارۋشىلار شۇعىل كەلٸپ جەتتٸ.
«تٸلسٸز جاۋدىڭ جالپى اۋدانى 6 گەكتاردى قۇراعان. كٶپ ۇزاماي جالىن تولىقتاي اۋىزدىقتالدى. ٶرتتٸ ٶشٸرۋگە جەكە قۇرامنان 4 ادام مەن 1 تەحنيكا جۇمىلدىرىلعان», - دەپ حابارلادى ۆەدومستۆو ٶكٸلدەرٸ.
ايتا كەتەيٸك, بيىلعى ٶرت قاۋپٸ جوعارى كەزەڭ باستالعالى بەرٸ ٶڭٸر بويىنشا 243 شٶپ جانۋى تٸركەلدٸ.
