شىعىس قازاقستان وبلىسىنىڭ ەكولوگتارى رۋدا مەن شلاگ تيەلگەن بٸرنەشە ۆاگون قۇلاپ كەتكەن ٶزەن سۋىنان سىناما الدى, دەپ حابارلايدى قازاقپارات.
3 سەۋٸر كٷنٸ ساعات 12.04-تە ٶسكەمەن-كٷمٸستاۋ تەمٸرجول ۋچاسكەسٸندە جٷك پويىزىنىڭ 18 ۆاگونى رەلستەن شىعىپ كەتكەن.
ونىڭ التاۋى ەرتٸس ٶزەنٸنە قۇلادى. بەس ۆاگوندا شلاك, بٸرەۋٸندە رۋدا تيەلگەن.
اتالعان فاكتٸ بويىنشا شقو ەكولوگييا دەپارتامەنتٸنٸڭ ماماندارى وقيعا ورنىنا بارىپ, ەرتٸس ٶزەنٸنٸڭ جوعارى جەنە تٶمەنگٸ اعىسىنان سۋ سىنامالارىن الدى.
«زەرتتەۋ نەتيجەلەرٸنە سەيكەس, سىنامادا مىرىشتىڭ رۇقسات ەتٸلگەن شەكتٸ كونتسەنتراتسيياسىنىڭ 1,3 ەسە ارتقانى انىقتالدى. ٶزەننٸڭ تٶمەنگٸ اعىسىنان الىنعان سىنامادا مىس كونتسەنتراتسيياسىنىڭ 1,5 ەسە, جوعارى اعىسىندا 1,3 ەسە ٶسكەنٸ بايقالىپ وتىر. ەندٸ اپتا سايىن ەرتٸس ٶزەنٸنٸڭ سۋىنا مونيتورينگ جٷرگٸزٸلەتٸن بولادى», - دەپ حابارلادى دەپارتامەنتتٸڭ باسپاسٶز قىزمەتٸ.
شقو بويىنشا كٶلٸك پروكۋراتۋراسىنىڭ تالابى بويىنشا «قتج – جٷك تاسىمالى» اق-نىڭ سەمەي بٶلٸمشەسٸنە قاتىستى جوسپاردان تىس ەكولوگييالىق تەكسەرۋ تاعايىندالدى. سونىڭ نەتيجەلەرٸ بويىنشا اپاتتىڭ سالدارىن جويۋ جٶنٸندەگٸ ٸس-شارالار بەلگٸلەنەدٸ.
