شىعىس قازاقستان وبلىسىنداعى «ۇلى دالا التىنى» كٶرمەسٸ بيىل ۇلىبريتانييانىڭ كەمبريدج مۋزەيٸنە قويىلادى, دەپ حابارلايدى "ۇلت اقپارات".
بۇل جايلى وبلىس ەكٸمدٸگٸنٸڭ وتىرىسىندا ايماق باسشىسى دانيال احمەتوۆ مەلٸمدەدٸ.
«ٶڭٸر اۋماعىندا تابىلعان 26 مىڭ جەدٸگەر تٷرلٸ مۋزەيلەردٸڭ ەكسپوزيتسييالارىنا سەن بەرٸپ تۇر. «ۇلى دالا التىنى» كٶرمەسٸ بيىل ۇلىبريتانييانىڭ كەمبريدج مۋزەيٸنە قويىلادى. قازٸرگٸ ۋاقىتتا شىعىس قازاقستانداعى ارحەولوگييالىق زەرتتەۋلەردٸ ەكٸ جەتەكشٸ عالىم زەينوللا ساماشەۆ پەن ەبدەش تٶلەۋباەۆ جالعاستىرۋدا», - دەدٸ ول.
ٶتكەن جىلى تارباعاتاي اۋدانىنداعى ەلەكە سازىنان 800-دەن استام التىن زەرگەر بۇيىمى, ونىڭ ٸشٸندە ساق بيلەۋشٸسٸنە تيەسٸلٸ ات-ەبزەلدەرٸ تابىلعان بولاتىن. بۇل بٸزدٸڭ زامانىمىزعا دەيٸنگٸ V-IV عاسىرلاردىڭ ەنشٸسٸندەگٸ جەدٸگەرلەر.
«عالىمدار قازٸر قازاق مەملەكەتتٸلٸگٸنٸڭ العاشقى كەزەڭٸ تۋرالى تريلوگييا دايىنداپ جاتىر. وسى كەزەڭگە قاتىستى بارلىق مەلٸمەتتەردٸ زەردەلەۋ ٷشٸن ولار ەلەمنٸڭ جەتەكشٸ كٸتاپحانالارىنا بارادى», - دەدٸ دانيال احمەتوۆ.
