Shyǵys Qazaqstan oblysyndaǵy «Uly dala altyny» kórmesi biyl Ulybritaniianyń Kembridj mýzeiine qoiylady, dep habarlaidy "Ult aqparat".
Bul jaily oblys ákimdiginiń otyrysynda aimaq basshysy Danial Ahmetov málimdedi.
«Óńir aýmaǵynda tabylǵan 26 myń jádiger túrli mýzeilerdiń ekspozitsiialaryna sán bárip tur. «Uly dala altyny» kórmesi biyl Ulybritaniianyń Kembridj mýzeiine qoiylady. Qazirgi ýaqytta Shyǵys Qazaqstandaǵy arheologiialyq zertteýlerdi eki jetekshi ǵalym Zeinolla Samashev pen Ábdesh Tóleýbaev jalǵastyrýda», - dedi ol.
Ótken jyly Tarbaǵatai aýdanyndaǵy Eleke sazynan 800-den astam altyn zerger buiymy, onyń ishinde Saq bileýshisine tiesili at-ábzelderi tabylǵan bolatyn. Bul bizdiń zamanymyzǵa deiingi V-IV ǵasyrlardyń enshisindegi jádigerler.
«Ǵalymdar qazir qazaq memlekettiliginiń alǵashqy kezeńi týraly trilogiia daiyndap jatyr. Osy kezeńge qatysty barlyq málimetterdi zerdeleý úshin olar álemniń jetekshi kitaphanalaryna barady», - dedi Danial Ahmetov.
