شىعىس قازاقستان وبلىسىنداعى قوناق ٷيلەردٸڭ قىزمەتكەرلەرٸ ەرٸكتٸ تٷردە ۆاكتسينا الىپ جاتىر, دەپ حابارلايدى "ۇلت اقپارات".
جازعى تۋريستٸك ماۋسىمدا دەمالۋشىلاردىڭ باسىم بٶلٸگٸ قوناق ٷيلەرگە كەلەتٸنٸ بەلگٸلٸ. وسى رەتتە شقو تۋريزم جەنە سىرتقى بايلانىستار باسقارماسى وبلىستىڭ قالالارى مەن اۋداندارىنىڭ ەكٸمدٸكتەرٸمەن بٸرلەسٸپ, تۋريستەردٸ ورنالاستىرۋ ورىندارىنىڭ قىزمەتكەرلەرٸن كەزەڭ-كەزەڭٸمەن ۆاكتسيناتسييالاۋ بويىنشا جۇمىس جٷرگٸزۋدە.
«رەسپۋبليكا بويىنشا قوناق ٷيلەردٸڭ ەڭ قٶبٸ – شىعىس قازاقستاندا. ياعني, كەلۋشٸلەردٸ ورنالاستىرۋمەن اينالىساتىن 560 وبەكتٸ بار. ٸندەتكە قارسى ۆاكتسينا الۋدىڭ الدىڭعى قاتارىندا تۋريزم قىزمەتكەرلەرٸ بولۋى كەرەك. كوروناۆيرۋستان ساقتانۋدىڭ ەڭ تيٸمدٸ جولى ول – ۆاكتسينا الۋ. وسىعان وراي كەسٸپكەرلەرگە ىڭعايلى بولۋ ٷشٸن جۇمىس ورنىندا كٶشپەلٸ موبيلدٸ توپتاردىڭ جۇمىسى ۇيىمداستىرىلدى», - دەدٸ شقو تۋريزم جەنە سىرتقى بايلانىستار باسقارماسىنىڭ باسشىسى مارات قاباقوۆ.
قازٸرگٸ ۋاقىتتا قوناق ٷيلەردٸڭ ەڭبەك ۇجىمى ەرٸكتٸ تٷردە ۆاكتسينا الا باستادى. سەبەبٸ ولار تۋريستەرمەن تٸكەلەي بايلانىستا بولادى. ەكپەنٸڭ بٸرٸنشٸ كەزەڭٸن العان قوناق ٷي قىزمەتكەرلەرٸنٸڭ سانى 70 پايىزعا دەيٸن جەتتٸ.
