Shyǵys Qazaqstan oblysyndaǵy qonaq úilerdiń qyzmetkerleri erikti túrde vaktsina alyp jatyr, dep habarlaidy "Ult aqparat".
Jazǵy týristik maýsymda demalýshylardyń basym bóligi qonaq úilerge keletini belgili. Osy rette ShQO týrizm jáne syrtqy bailanystar basqarmasy oblystyń qalalary men aýdandarynyń ákimdikterimen birlesip, týristerdi ornalastyrý oryndarynyń qyzmetkerlerin kezeń-kezeńimen vaktsinatsiialaý boiynsha jumys júrgizýde.
«Respýblika boiynsha qonaq úilerdiń eń qóbi – Shyǵys Qazaqstanda. Iaǵni, kelýshilerdi ornalastyrýmen ainalysatyn 560 obekti bar. Indetke qarsy vaktsina alýdyń aldyńǵy qatarynda týrizm qyzmetkerleri bolýy kerek. Koronavirýstan saqtanýdyń eń tiimdi joly ol – vaktsina alý. Osyǵan orai kásipkerlerge yńǵaily bolý úshin jumys ornynda kóshpeli mobildi toptardyń jumysy uiymdastyryldy», - dedi ShQO Týrizm jáne syrtqy bailanystar basqarmasynyń basshysy Marat Qabaqov.
Qazirgi ýaqytta qonaq úilerdiń eńbek ujymy erikti túrde vaktsina ala bastady. Sebebi olar týristermen tikelei bailanysta bolady. Ekpeniń birinshi kezeńin alǵan qonaq úi qyzmetkerleriniń sany 70 paiyzǵa deiin jetti.
