شىعىس قازاقستان وبلىسىندا جوعالىپ كەتكەن بالىقشىلاردى ٸزدەستٸرۋ جالعاسۋدا, دەپ حابارلايدى "ۇلت اقپارات".
شقو تجد قۇتقارۋشىلارى 20 قاراشادا تارباعاتاي اۋدانىنداعى زايسان كٶلٸندە جوعالىپ كەتكەن 1990 جەنە 1981 جىلعى ەكٸ بالىقشىنى ٸزدەۋدٸ جالعاستىرۋدا.
«قۇتقارۋشىلار حابار تٷسە سالىسىمەن وقيعا ورنىنا ەكٸمدٸك ٶكٸلدەرٸمەن بٸرگە دەرەۋ كەلٸپ جەتكەن بولاتىن. بٸرٸنشٸ كەزەكتە تارباعاتاي اۋدانىنىڭ جەرگٸلٸكتٸ بالىقشىلارىنىڭ قايىققا شىعۋ مٷمكٸندٸگٸ قاراستىرىلدى. الايدا اۋا رايىنىڭ ٶزگەرۋٸنەن, اتاپ ايتقاندا قابىرشاق مۇزدىڭ سالدارىنان كاتەرمەن شىعۋعا مٷمكٸندٸك بولمادى. كٷرشٸم اۋدانى اقسۋات اۋىلى جاعىنان دا وسىنداي جاعداي قالىپتاستى, - دەپ حابارلادى شقو تجد باسپاسٶز قىزمەتٸ.
21 قاراشا كٷنٸ زايسان كٶلٸندە اەروۆيزۋالدى تەكسەرۋ جٷرگٸزۋ جەنە بالىقشىلاردى ٸزدەۋ ٷشٸن جەرگٸلٸكتٸ اتقارۋشى ورگاندارمەن بٸرلەسٸپ, شقو ەكٸمدٸگٸنٸڭ مي-8 تٸكۇشاعى جۇمىلدىرىلعان. ساعات 13.06-دا جەرگٸلٸكتٸ تۇرعىندار جاعادان 1 شاقىرىم قاشىقتىقتا جوعالعان بالىقشىلاردىڭ قايىعىنىڭ بوس بەنزين باگىن تاۋىپ الدى. ٸزدەۋگە تۇرعىندار (20 جەڭٸل اۆتوكٶلٸك, 50 ادام, 1 كۆادروكوپتەر), پوليتسييا (3 بٸرلٸك تەحنيكا, 10 قىزمەتكەر, 1 كۆادروكوپتەر), شقو تجد-دان 10 قۇتقارۋشى قاتىسقان.
«22 قاراشادا تجد جقج سٷڭگۋٸرلەرٸ ارنايى جابدىقتىڭ كٶمەگٸمەن كٷنٸ بويى مۇز استىنان ٸزدەۋ جۇمىستارىن جٷرگٸزدٸ. ٸزدەۋگە جەرگٸلٸكتٸ تۇرعاندار دا بەلسەنە قاتىستى. كەشكە قاراي قايىق تابىلدى. قۇتقارۋشىلار مەن تۇرعىندار قايىقتى مۇز استىنان الىپ شىقتى. 23 قاراشادان باستاپ بٷگٸنگٸ كٷنگە دەيٸن كٷنٸ بويى سٷڭگۋٸرلەر سۋاستى ٸزدەۋ جۇمىستارىن جٷرگٸزۋدە. 27-29 قاراشا ارالىعىندا كٷرتەشە, بالىق تولعان قاپ جەنە اۋ تابىلعان. كٷندەلٸكتٸ 30 بالىقشى قۇتقارۋشىلارعا كٶمەك رەتٸندە جاعالاۋدان 1,5 شاقىرىمدى سٷزٸپ ٶتۋدە, - دەپ حابارلادى ۆەدومستۆو ٶكٸلدەرٸ.
