فوتو: بەينەجازبادان
شىعىس قازاقستان وبلىسىندا كوللەدج ستۋدەنتٸ بٸرنەشە بوپسالاۋ دەرەگٸ بويىنشا كٷدٸككە ٸلٸندٸ, دەپ حابارلايدى Ult.kz.
پوليتسييانىڭ مەلٸمەتٸنشە, ٶڭٸردەگٸ وقۋ ورىندارىنىڭ بٸرٸندە بولعان بٸرقاتار قىلمىستىق ەرەكەتتەردٸڭ جولى كەسٸلگەن. كٷدٸكتٸ رەتٸندە اۋداننىڭ 17 جاستاعى تۇرعىنى انىقتالدى.
الدىن الا ەسەپ بويىنشا, جەبٸرلەنۋشٸلەرگە كەلتٸرٸلگەن جالپى شىعىن شامامەن 1 ميلليون تەڭگەنٸ قۇرايدى.
تەرگەۋ ماتەريالدارىنا سەيكەس, كٷدٸكتٸ جەبٸرلەنۋشٸلەرگە پسيحولوگييالىق قىسىم كٶرسەتٸپ, اقشا تالاپ ەتكەن. مەسەلەن, بٸر جاعدايدا ول جانجالدان كەيٸن ستۋدەنتتەن 160 مىڭ تەڭگەدەن استام قاراجات بوپسالاعان.
وسىعان ۇقساس تەسٸلدەر ارقىلى باسقا دا ستۋدەنتتەر اقشاسىنان جەنە قىمبات سمارتفوندارىنان ايىرىلعان. كەيبٸرٸ تالاپ ەتٸلگەن سومانى تابۋ ٷشٸن دوستارىنان قارىز الىپ نەمەسە ميكروكرەديت رەسٸمدەگەن.
سونىمەن قاتار, كٷدٸكتٸگە قۇرداستارىن زاڭسىز باس بوستاندىعىنان ايىردى دەگەن ايىپ تاعىلىپ وتىر.
قازٸرگٸ ۋاقىتتا سوت شەشٸمٸمەن وعان "ٷيقاماق" بۇلتارتپاۋ شاراسى قولدانىلدى. اتالعان فاكتٸلەر بويىنشا قىلمىستىق كودەكستٸڭ 194-بابى ("بوپسالاۋ") جەنە 126-بابى ("زاڭسىز باس بوستاندىعىنان ايىرۋ") بويىنشا سوتقا دەيٸنگٸ تەرگەۋ جٷرگٸزٸلٸپ جاتىر.
