Foto: Beinejazbadan
Shyǵys Qazaqstan oblysynda kolledj stýdenti birneshe bopsalaý deregi boiynsha kúdikke ilindi, dep habarlaidy Ult.kz.
Politsiianyń málimetinshe, óńirdegi oqý oryndarynyń birinde bolǵan birqatar qylmystyq áreketterdiń joly kesilgen. Kúdikti retinde aýdannyń 17 jastaǵy turǵyny anyqtaldy.
Aldyn ala esep boiynsha, jábirlenýshilerge keltirilgen jalpy shyǵyn shamamen 1 million teńgeni quraidy.
Tergeý materialdaryna sáikes, kúdikti jábirlenýshilerge psihologiialyq qysym kórsetip, aqsha talap etken. Máselen, bir jaǵdaida ol janjaldan keiin stýdentten 160 myń teńgeden astam qarajat bopsalaǵan.
Osyǵan uqsas tásilder arqyly basqa da stýdentter aqshasynan jáne qymbat smartfondarynan aiyrylǵan. Keibiri talap etilgen somany tabý úshin dostarynan qaryz alyp nemese mikrokredit rásimdegen.
Sonymen qatar, kúdiktige qurdastaryn zańsyz bas bostandyǵynan aiyrdy degen aiyp taǵylyp otyr.
Qazirgi ýaqytta sot sheshimimen oǵan "úiqamaq" bultartpaý sharasy qoldanyldy. Atalǵan faktiler boiynsha Qylmystyq kodekstiń 194-baby ("Bopsalaý") jáne 126-baby ("Zańsyz bas bostandyǵynan aiyrý") boiynsha sotqa deiingi tergeý júrgizilip jatyr.
