شىعىس قازاقستاننىڭ سٸبە كٶلدەرٸ مەن بۇقتىرما سۋ قويماسىندا سۋعا كەتكەن ادامدار قۇتقارىلدى, دەپ حابارلايدى "ۇلت اقپارات".
وبلىستىق تٶتەنشە جاعدايلار دەپارتامەنتٸنٸڭ حابارلاۋىنشا, بٸرٸنشٸ وقيعا ۇلان اۋدانىنىڭ سٸبە كٶلدەرٸندە بولعان. 1977 جىلى تۋعان ەر ادام كٶلگە باتىپ كەتە جازداعان. ابىروي بولعاندا, قاسىندا ٸنٸسٸ اسحات سارت وعان كٶمەك كەرەك ەكەنٸن دەر كەزٸندە بايقاپ, سۋ استىندا ەسٸنەن تانعان اعاسىن جاعاعا الىپ شىققان.
اسحاتتىڭ ٶزٸ قۇتقارۋشىلارعا سۋدا جاقسى جٷزە المايتىنىن ايتقان. بٸراق اعاسىنا اجال قاۋپٸ تٶنگەن كەزدە تەۋەكەلگە بارىپ, ەرٸكسٸز سۋعا سٷڭگٸگەن.
جاعاداعى شۋدى كٶرگەن جەدەل جەردەم ستانساسىنىڭ فەلدشەرلەرٸ نۇرلىبەك ەشەنوۆ پەن ايدوس مۋسين كٶمەككە كەلٸپ, ەس-تٷسسٸز جاتقان ەر ادامعا رەانيماتسييالىق كٶمەك كٶرسەتكەن.
فەلدشەرلەر كٶل جاعاسىنا دەمالۋ ٷشٸن كەلگەنٸنە قاراماستان, جۇمىستان تىس ۋاقىتتا دا كەسٸبي مٸندەتتەرٸن مٷلتٸكسٸز ورىنداپ شىقتى.
ەكٸنشٸ وقيعا التاي اۋدانىنىڭ بۇقتىرما سۋ قويماسىنىڭ جاعاسىندا تٸركەلگەن.
دەمالىس كٷنٸ جەدەل-قۇتقارۋ جاساعىنىڭ قىزمەتكەرٸ دميتريي رۋدامەتوۆ ەيەل ادامدى قۇتقاردى. ەس-تٷسسٸز كٷيدەدگٸ ەيەلدٸ سۋدان ماڭىنداعى ٶزگە دەمالۋشىلار الىپ شىققان. توپتاسقان جۇرت جەدەل جەردەم شاقىرىپ ٷلگەرگەنشە دميتريي رۋدامەتوۆ العاشقى مەديتسنالىق كٶمەك كٶرسەتۋگە كٸرٸسٸپ كەتەدٸ. ٶزٸنٸڭ ايتۋىنشا, ەيەل سۋ استىندا 5 مينۋت بويى جاتىپ قالعان. سوندىقتان ونىڭ ەسٸن جيعىزۋ وڭاي بولماعان. ەۋەلٸ جٷرەككە ماسساج جاساپ, ودان كەيٸن جاساندى تىنىس جاساۋ ارقىلى, ەيەلدٸ ٶمرٸگە قايتارعان.
دميتريي رۋدامەتوۆ بۇقتىرما جەدەل-قۇتقارۋ جاساعىنىڭ قۇرامىندا جىلدان بەرٸ جۇمىس ٸستەپ كەلەدٸ. ٶزٸ ٶز تەجٸريبەسٸندە العاش رەت زارداپ شەگۋشٸگە العاشقى مەديتسينالىق كٶمەك كٶرسەتكەنٸن ايتادى.
شقو تٶتەنشە جاعدايلار دەپارتامەنتٸنٸڭ مەلٸمەتٸنشە, شومىلۋ ماۋسىمى باستالعاننان بەرٸ ٶڭٸردە 20 ادامعا سۋعا كەتكەن. ونىڭ ٷشەۋٸ – بالا.
