Shyǵys Qazaqstannyń Sibe kólderi men Buqtyrma sý qoimasynda sýǵa ketken adamdar qutqaryldy, dep habarlaidy "Ult aqparat".
Oblystyq tótenshe jaǵdailar departamentiniń habarlaýynsha, birinshi oqiǵa Ulan aýdanynyń Sibe kólderinde bolǵan. 1977 jyly týǵan er adam kólge batyp kete jazdaǵan. Abyroi bolǵanda, qasynda inisi Ashat Sart oǵan kómek kerek ekenin der kezinde baiqap, sý astynda esinen tanǵan aǵasyn jaǵaǵa alyp shyqqan.
Ashattyń ózi qutqarýshylarǵa sýda jaqsy júze almaitynyn aitqan. Biraq aǵasyna ajal qaýpi tóngen kezde táýekelge baryp, eriksiz sýǵa súńgigen.
Jaǵadaǵy shýdy kórgen jedel járdem stansasynyń feldsherleri Nurlybek Eshenov pen Aidos Mýsin kómekke kelip, es-tússiz jatqan er adamǵa reanimatsiialyq kómek kórsetken.
Feldsherler kól jaǵasyna demalý úshin kelgenine qaramastan, jumystan tys ýaqytta da kásibi mindetterin múltiksiz oryndap shyqty.
Ekinshi oqiǵa Altai aýdanynyń Buqtyrma sý qoimasynyń jaǵasynda tirkelgen.
Demalys kúni jedel-qutqarý jasaǵynyń qyzmetkeri Dmitrii Rýdametov áiel adamdy qutqardy. Es-tússiz kúidedgi áieldi sýdan mańyndaǵy ózge demalýshylar alyp shyqqan. Toptasqan jurt jedel járdem shaqyryp úlgergenshe Dmitrii Rýdametov alǵashqy meditsnalyq kómek kórsetýge kirisip ketedi. Óziniń aitýynsha, áiel sý astynda 5 minýt boiy jatyp qalǵan. Sondyqtan onyń esin jiǵyzý ońai bolmaǵan. Áýeli júrekke massaj jasap, odan keiin jasandy tynys jasaý arqyly, áieldi ómrige qaitarǵan.
Dmitrii Rýdametov Buqtyrma jedel-qutqarý jasaǵynyń quramynda jyldan beri jumys istep keledi. Ózi óz tájiribesinde alǵash ret zardap shegýshige alǵashqy meditsinalyq kómek kórsetkenin aitady.
ShQO tótenshe jaǵdailar departamentiniń málimetinshe, shomylý maýsymy bastalǵannan beri óńirde 20 adamǵa sýǵa ketken. Onyń úsheýi – bala.
