شىعىس قازاقستان وبلىسىندا قار قۇرساۋىنان 312 ادام ەۆاكۋاتسييالاندى, دەپ حابارلايدى "ۇلت اقپارات".
«06.00-دەگٸ جاعداي بويىنشا 312 ادام ەۆاكۋاتسييالاندى, ونىڭ 28-ٸ اۋرۋحاناعا, 40 ادام ى.التىنسارين اتىنداعى ورتا مەكتەپكە, 55-ٸ - اقتامبەردٸ ورتا مەكتەبٸنە, 19-ى - كوللەدجگە, 60-ى - تاسكەسكەن اۋىلىنىڭ تۇرعىندارىنا, 70-ٸ - «ايگەرٸم» كافەسٸنە ورنالاستىرىلدى. 40 ادام ٷرجار اۋىلىنداعى ٷيلەرٸنە جەتكٸزٸلدٸ. قار قۇرساۋىندا قالعان باسقا ادامدار ەۆاكۋاتسييادان باس تارتتى», - دەپ حابارلادى قر ٸٸم تٶتەنشە جاعدايلار كوميتەتٸنٸڭ رەسمي ٶكٸلٸ نۇرسۇلتان نۇراحمەتوۆ.
«قار كەپتەلٸپ قالعان جەردە 231 كٶلٸك تۇر. جەرگٸلٸكتٸ اتقارۋ ورگاندارى ىستىق تاماقتار مەن كٶلٸك ٷشٸن جانارماي بەرۋدٸ ۇيىمداستىردى. ادامدار مەديتسينالىق كٶمەككە جٷگٸنگەن جوق. قازٸر جول تازالانىپ جاتىر», - دەدٸ ول.
