شىعىس قازاقستان وبلىسىنىڭ پوليتسييا قىزمەتكەرلەرٸ بٸرنەشە مەرتە مال ۇرلاعان بارىمتاشىلاردى قولعا تٷسٸردٸ, دەپ حابارلايدى "ۇلت اقپارات".
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, ەكٸ ەر ادام ٶڭٸر اۋماعىندا مال ۇرلىعىمەن اينالىسقان.
وسى ۋاقىتقا دەيٸن ولاردىڭ 3 قىلمىسقا قاتىسى بار ەكەنٸ انىقتالىپ وتىر.
جەدەل-ٸزدەستٸرۋ شارالارىن جٷرگٸزۋ بارىسىندا اياگٶز جەنە تارباعاتاي اۋدانىنىڭ 22 جاستاعى ەكٸ تۇرعىنى ۇستالدى.
ولار تٷن كەزٸندە قويلاردى ۇرلاپ جٷرگەن. ۇرلىقتى ىلعي مال جايىلىمىنان جاسادى.
«كٷدٸكتٸلەر مامىر ايىندا 9 باس قويدى ۇرلاعان. ەگەر تەرتٸپ ساقشىلارى بارىمتاشىلاردى ۋاقتىلى ۇستاماسا, بۇل سان ەلدەقايدا كٶپ بولۋشى ەدٸ. قازٸرگٸ ۋاقىتتا ەكەۋٸ ۋاقىتشا ۇستاۋ يزولياتورىنا قامالدى. اتالعان فاكتٸ بويىنشا قر قك-نٸڭ 188-1-بابى 3-بٶلٸگٸنە سەيكەس سوتقا دەيٸنگٸ تەرگەۋ امالدارى جٷرگٸزٸلۋدە. ولار 10 جىلعا دەيٸنگٸ مەرزٸمگە باس بوستاندىعىنان ايىرىلۋى مٷمكٸن», - دەدٸ شقو پد باستىعىنىڭ ورىنباسارى, پوليتسييا پولكوۆنيگٸ تالعات شاياحمەتوۆ.
