Shyǵys Qazaqstan oblysynyń politsiia qyzmetkerleri birneshe márte mal urlaǵan barymtashylardy qolǵa túsirdi, dep habarlaidy "Ult aqparat".
ShQO politsiia departamenti baspasóz qyzmetiniń málimetine súiensek, eki er adam óńir aýmaǵynda mal urlyǵymen ainalysqan.
Osy ýaqytqa deiin olardyń 3 qylmysqa qatysy bar ekeni anyqtalyp otyr.
Jedel-izdestirý sharalaryn júrgizý barysynda Aiagóz jáne Tarbaǵatai aýdanynyń 22 jastaǵy eki turǵyny ustaldy.
Olar tún kezinde qoilardy urlap júrgen. Urlyqty ylǵi mal jaiylymynan jasady.
«Kúdiktiler mamyr aiynda 9 bas qoidy urlaǵan. Eger tártip saqshylary barymtashylardy ýaqtyly ustamasa, bul san áldeqaida kóp bolýshy edi. Qazirgi ýaqytta ekeýi ýaqytsha ustaý izoliatoryna qamaldy. Atalǵan fakti boiynsha QR QK-niń 188-1-baby 3-bóligine sáikes sotqa deiingi tergeý amaldary júrgizilýde. Olar 10 jylǵa deiingi merzimge bas bostandyǵynan aiyrylýy múmkin», - dedi ShQO PD bastyǵynyń orynbasary, politsiia polkovnigi Talǵat Shaiahmetov.
