شىعىس قازاقستان وبلىسىندا بٸر تەۋلٸك ٸشٸندە 4 دالا ٶرتٸ تٸركەلدٸ, دەپ حابارلايدى "ۇلت اقپارات".
شقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, قۇتقارۋشىلار بورودۋليحا اۋدانى پرولەتاركا اۋىلىندا 40 گەكتار اۋماققا جايىلعان شٶپ ٶرتٸن سٶندٸردٸ. ٶرتتٸ سٶندٸرۋگە جەكە قۇرامنان جەنە جەرگٸلٸكتٸ اتقارۋشى ورگاننان 8 ادام مەن 4 تەحنيكا جۇمىلدىرىلعان.
«وبلىس بويىنشا ٶتكەن تەۋلٸكتە 4 دالا ٶرتٸ تٸركەلدٸ. جالپى بيىل ٶرت قاۋپٸ جوعارى كەزەڭ باستالعالى بەرٸ دالادا 113 ٶرت بولعان. قىزىل جالىننىڭ اۋماعى 2501 گەكتارعا جايىلدى», - دەپ حابارلادى ۆەدومستۆو ٶكٸلدەرٸ.
تجد ماماندارى ورمان جەنە دالا القاپتارىندا ٶرت قاۋٸپسٸزدٸگٸن قامتاماسىز ەتۋ ماقساتىندا تۇراقتى تٷردە مونيتورينگ جٷرگٸزٸپ جاتىر. قازٸرگٸ ۋاقىتتا وبلىس بويىنشا ارنايى جاساقتالعان موبيلدٸ توپتار پروفيلاكتيكالىق رەيدتەرگە شىعۋدا.
«سونىڭ نەتيجەسٸندە ٶرت قاۋٸپسٸزدٸگٸ تالاپتارىن بۇزعان 260 ادام انىقتالدى. ولار ەكقتك-نٸڭ 336 جەنە 410-باپتارى بويىنشا ەكٸمشٸلٸك جاۋاپقا تارتىلعان», - دەلٸنگەن اقپاراتتا.
