Shyǵys Qazaqstan oblysynda bir táýlik ishinde 4 dala órti tirkeldi, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, qutqarýshylar Borodýliha aýdany Proletarka aýylynda 40 gektar aýmaqqa jaiylǵan shóp órtin sóndirdi. Órtti sóndirýge jeke quramnan jáne jergilikti atqarýshy organnan 8 adam men 4 tehnika jumyldyrylǵan.
«Oblys boiynsha ótken táýlikte 4 dala órti tirkeldi. Jalpy biyl órt qaýpi joǵary kezeń bastalǵaly beri dalada 113 órt bolǵan. Qyzyl jalynnyń aýmaǵy 2501 gektarǵa jaiyldy», - dep habarlady vedomstvo ókilderi.
TJD mamandary orman jáne dala alqaptarynda órt qaýipsizdigin qamtamasyz etý maqsatynda turaqty túrde monitoring júrgizip jatyr. Qazirgi ýaqytta oblys boiynsha arnaiy jasaqtalǵan mobildi toptar profilaktikalyq reidterge shyǵýda.
«Sonyń nátijesinde órt qaýipsizdigi talaptaryn buzǵan 260 adam anyqtaldy. Olar ÁKQtK-niń 336 jáne 410-baptary boiynsha ákimshilik jaýapqa tartylǵan», - delingen aqparatta.
