شىعىس قازاقستان وبلىسى التاي قالاسىندا پوليتسييا قىزمەتكەرلەرٸ سۋيتسيدتٸڭ الدىن الدى, دەپ حابارلايدى "ۇلت اقپارات".
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, بٷگٸن تاڭەرتەڭ پوليتسييا اعا لەيتەنانتى ەلييا اناەۆا جۇمىسقا بارا جاتقاندا كۋرچاتوۆ كٶشەسٸندەگٸ كٶپقاباتتى ٷيدٸڭ تەرەزەسٸنەن سەكٸرەيٸن دەپ تۇرعان ەر ادامدى كٶرٸپ قالعان. ول بۇل جايلى بٸردەن «102» ارناسىنا حابارلادى.
«وقيعا ورنىنا پوليتسييا اعا لەيتەنانتى ايحان ەۋٸتاليپوۆ پەن كٸشٸ لەيتەنانت قۋات بايشوقوۆ كەلٸپ جەتتٸ. ەلييا ٶز ٶزٸنە قول جۇمساۋعا ەرەكەتتەنگەن ازاماتتى ەڭگٸمەگە تارتىپ تۇرعاندا, ەكەۋٸ ونى ۇستاپ, تەرەزە ماڭىنان الىپ كەتتٸ. ەر ادام ماس بولعان», - دەلٸنگەن اقپاراتتا.
انىقتالعانداي, التاي قالاسىنىڭ تۇرعىنى مۇنداي قادامعا ٶزٸن ەيەلٸ تاستاپ كەتكەندٸكتەن بارماق بولدى.
