قازاقستان رەسپۋبليكاسى پرەمەر-مينيسترٸنٸڭ ورىنباسارى گٷلشارا ەبدٸقالىقوۆا جۇمىس ساپارىمەن شىعىس قازاقستان وبلىسىنا كەلدٸ, دەپ حابارلايدى قازاقپارات.
ۆيتسە-پرەمەر ەۋەلٸ سەمەي قالاسىنىڭ قازاق يننوۆاتسييالىق گۋمانيتارلىق-زاڭ ۋنيۆەرسيتەتٸندە «اباي ەلەمٸ» كەڭ كٶلەمدٸ كٸتاپ كٶرمەسٸنٸڭ جۇمىسىمەن تانىستى. وبلىس ەكٸمٸ دانيال احمەتوۆ بۇل جوبانىڭ «رۋحاني جاڭعىرۋ» باعدارلاماسى اياسىندا جٷزەگە اسىپ جاتقانىن ايتتى.
«اباي ەلەمٸ» كٸتاپتار توپتاماسى - «رۋحاني جاڭعىرۋ» ۇلتتىق باعدارلاماسى اياسىندا قازاقستاناننىڭ مەدەنيەتٸ مەن ەدەبيەتٸنٸڭ دامۋىنا ىقپال ەتۋگە, شىعىستان شىققان ۇلى تۇلعالار مەن اقىن-جازۋشىلاردىڭ تۋىندىلارىن قايتا جاڭعىرتىپ شىعارۋعا, كٶركەم ەدەبيەت ارقىلى جاستاردى وتانسٷيگٸشتٸككە تەربيەلەۋگە باعىتتالعان بەس جىلدىق ەدەبي جوبا. 2018 جىلى جوبا اياسىندا جەرگٸلٸكتٸ اۆتورلاردىڭ 16 كٸتابى جارىققا شىعىپ, وبلىس كٸتاپحانالارىنا تاراتىلدى», - دەدٸ د.احمەتوۆ.
ەكٸمنٸڭ ايتۋىنشا, باسىلىمنىڭ باستى ەرەكشەلٸگٸ - كٸتاپقا العىسٶز رەتٸندە ابايتانۋدىڭ باستاۋىندا تۇرعان كەكٸتاي ىسقاقۇلى, احمەت بايتۇرسىنۇلى, مۇحتار ەۋەزوۆ ماقالالارىنىڭ تۇڭعىش رەت بٸرگە جارييالانۋىندا.
شەكەرٸمنٸڭ 160 جىلدىعى قارساڭىندا شىعارمالارى 2 توم بولىپ باسپا كٶرٸپ, اقىننىڭ 1911-1912 جىلدارى سەمەي, ورىنبور قالالارىندا تٶتە جازۋمەن جارىق كٶرگەن كٸتاپتارى, XX عاسىردىڭ باسىندا مەرزٸمدٸ باسىلىمداردا جارىق كٶرگەن اۋدارمالارى بەرٸلگەن.
«اباي جولى» رومان-ەپوپەياسىن ورىس تٸلٸنە اۋدارعان رەسەيلٸك جازۋشى, اۋدارماشى اناتوليي كيمنٸڭ اۋدارما نۇسقاسى جارىققا شىعارىلعان.
«بۇل شىعارمالارعا العىسٶز رەتٸندە جازۋشىنىڭ ۇلى مۇرات ەۋەزوۆ پەن نەمەرەسٸ دييار قوناەۆتىڭ ماقالالارى ەندٸ. اباي, مۇحتار, شەكەرٸم شىعارمالارىن جوعارى باعالاعان, قازاقستاننىڭ تۇڭعىش حالىق اقىنى - تٶلەۋ كٶبدٸكوۆ. اقىننىڭ شىعارمالارى بۇرىن باسپا كٶرمەگەن تۋىندىلارىمەن تولىقتىرىلىپ, بٸرٸنشٸ رەت تولىق تٷردە جارييالاندى», - دەدٸ ايماق باسشىسى.
ەدەبي جوبا اياسىندا تۇڭعىش رەت فەدور دوستوەۆسكييدٸڭ سەمەيدە تۇرعان جىلدارى جازعان شىعارمالارى جارييالانىپتى. ەۋروپانى تامسانتقان ەمٸرە قاشاۋباەۆ جايلى ەستەلٸكتەر جيناعى «ەنشٸ ەمٸرە» اتاۋىمەن قازاق جەنە ورىس تٸلدەرٸندە بٸر كٸتاپقا توپتاستىرىلىپ باسپا كٶردٸ. كٸتاپقا ەنشٸ جايلى ەڭ ٷزدٸك ماقالالار مەن جارقىن شەكەرٸمنٸڭ 2016 جىلى ورىس تٸلٸندە شىعارعان «امرە ۆ پاريجە» كٸتابى تولىقتاي ەنٸپ وتىر.
شىعىس ٶڭٸرٸنەن شىققان بالالار جازۋشىسى, بالالار كٸتابى بويىنشا ح.ك. اندەرسەن اتىنداعى قۇرمەت ديپلومىنىڭ يەگەرٸ مارات قابانباەۆتىڭ بالالارعا ارنالعان «چەتىرە ۆرەمەني رودنوي زەملي» اتتى پروزالىق شىعارمالارى العاش رەت ورىس تٸلٸندە شىعىس ٶڭٸرٸندە جارىق كٶرٸپ, جاسٶسپٸرٸمدەرگە ۇسىنىلدى.
«اباي ەلەمٸ» جوباسى اياسىندا جارىق كٶرەتٸن اۆتورلاردىڭ كٸتاپتارى الداعى جىلى دا باسىلىپ شىعا بەرەدٸ. بيىلعى جىل جاستار جىلى بولىپ جارييالانعاندىقتان, شىعىس ٶڭٸرٸنٸڭ جاس تالانتتارىنىڭ شىعارمالارى دا جارىق كٶرمەك.
