فوتو: Pexels.com
وبلىستىق پروكۋراتۋرانىڭ مەلٸمەتٸنشە, شقو-نىڭ سامار اۋدانىنىڭ پروكۋراتۋراسى ەڭبەك زاڭناماسىنىڭ ساقتالۋىن قاداعالاۋ بارىسىندا اۋدانداعى بٸلٸم بەرۋ ۇيىمدارىنىڭ پەداگوگ قىزمەتكەرلەرٸنە ٸسساپار شىعىستارى تٶلەنبەگەنٸن انىقتاعان, دەپ حابارلايدى Ult.kz.
بەلگٸلٸ بولعانداي, 171 مۇعالٸمگە ۇزاق ۋاقىت بويى زاڭمەن قاراستىرىلعان ٸسساپار تٶلەمدەرٸ جٷرگٸزٸلمەگەن, جالپى سوما 28 ميلليون تەڭگەدەن اسقان.
مىسالى, سامار اۋىلىنداعى مەكتەپتەردٸڭ بٸرٸنٸڭ مۇعالٸمٸنە 2024 جىلعى سەۋٸردەن 2025 جىلعى قاڭتارعا دەيٸن 224 105 تەڭگە مٶلشەرٸندە ٸسساپار شىعىستارى تٶلەنبەگەن. وسىنداي جاعدايلار اۋداننىڭ باسقا مەكتەپتەرٸندە دە بولعان.
پروكۋراتۋرا قابىلداعان شارالاردىڭ نەتيجەسٸندە زاڭبۇزۋشىلىقتار جويىلىپ, بارلىق ۇستازدارعا تيٸستٸ تٶلەمدەر تولىق كٶلەمدە جٷرگٸزٸلدٸ.
"وبلىس پروكۋراتۋراسى ازاماتتاردىڭ ەڭبەك قۇقىقتارىن قورعاۋ بويىنشا جۇمىستارىن جالعاستىرىپ جاتىر", - دەلٸنگەن حابارلامادا.
