Foto: Pexels.com
Oblystyq prokýratýranyń málimetinshe, ShQO-nyń Samar aýdanynyń prokýratýrasy eńbek zańnamasynyń saqtalýyn qadaǵalaý barysynda aýdandaǵy bilim berý uiymdarynyń pedagog qyzmetkerlerine issapar shyǵystary tólenbegenin anyqtaǵan, dep habarlaidy Ult.kz.
Belgili bolǵandai, 171 muǵalimge uzaq ýaqyt boiy zańmen qarastyrylǵan issapar tólemderi júrgizilmegen, jalpy soma 28 million teńgeden asqan.
Mysaly, Samar aýylyndaǵy mektepterdiń biriniń muǵalimine 2024 jylǵy sáýirden 2025 jylǵy qańtarǵa deiin 224 105 teńge mólsherinde issapar shyǵystary tólenbegen. Osyndai jaǵdailar aýdannyń basqa mektepterinde de bolǵan.
Prokýratýra qabyldaǵan sharalardyń nátijesinde zańbuzýshylyqtar joiylyp, barlyq ustazdarǵa tiisti tólemder tolyq kólemde júrgizildi.
"Oblys prokýratýrasy azamattardyń eńbek quqyqtaryn qorǵaý boiynsha jumystaryn jalǵastyryp jatyr", - delingen habarlamada.
