شىعىس قازاقستان وبلىسىندا پايدالانىلماعان 1 ملن 32 مىڭ گەكتار جەر مەملەكەت مەنشٸگٸنە قايتارىلعان, دەپ حابارلايدى "ۇلت اقپارات".
ٶڭٸردە اۋىل شارۋاشىلىعى جەرلەرٸن پايدالانۋدىڭ تيٸمدٸلٸگٸن باقىلاۋ مەن مونيتورينگتٸ كٷشەيتۋ ماقساتىندا بٸرقاتار جۇمىستار اتقارىلۋدا. بۇل جايلى شقو اقپارات ورتالىعىندا ٶتكەن باسپاسٶز بريفينگٸ بارىسىندا وبلىستىق جەردٸڭ پايدالانىلۋى مەن قورعالۋىن باقىلاۋ باسقارماسىنىڭ باسشىسى سەيسەنعازى چۋكاەۆ مەلٸمدەدٸ.
«2015-2019 جىلدار ارالىعىندا پايدالانىلماعان نەمەسە تيٸستٸ زاڭنامانى بۇزۋ ارقىلى پايدالانىلعان 1 ملن 554 مىڭ گەكتار اۋىل شارۋاشىلىعى جەرلەرٸ انىقتالدى. ونىڭ ٸشٸندە 1 ملن 32 مىڭ گەكتار مەملەكەت مەنشٸگٸنە قايتارىلعان. 908,5 مىڭ گەكتار جەر اۋىل شارۋاشىلىعى اينالىمىنا تارتىلدى. 214,2 مىڭ گەكتار جەردٸڭ يەلەرٸ قازٸرگٸ ۋاقىتتا جەردٸ پايدالانۋعا كٸرٸسٸپ كەتكەن. 307,5 مىڭ گەكتارعا قاتىستى ماتەريالدار ەلٸ دە مەملەكەتتٸك ورگانداردىڭ قاراۋىندا», - دەيدٸ ول.
باسقارما باسشىسىنىڭ ايتۋىنشا, جىل باسىنان بەرٸ 65 تەكسەرۋ جٷرگٸزٸلٸپ, سونىڭ نەتيجەسٸندە جەر زاڭناماسىن بۇزۋدىڭ 50 فاكتٸسٸ انىقتالعان. زاڭبۇزۋشىلىققا جول بەرگەندەرگە جالپى سوماسى 1,6 ملن تەڭگە مٶلشەرٸندە ايىپپۇل سالىندى.
