قازاقستاننىڭ دەپوزيتتەرگە كەپٸلدٸك بەرۋ قورى (قدكبق) تەڭگەلٸك دەپوزيتتەر بويىنشا شٸلدە ايىنا ۇسىنىلاتىن ەڭ جوعارى سىياقى مٶلشەرلەمەلەرٸنٸڭ بەكٸتٸلگەنٸن ايتتى, - دەپ حابارلايدى قوردىڭ باسپاسٶز قىزمەتٸ.
«12 جەنە 24 ايعا قابىلدانعان جيناق دەپوزيتتەر بويىنشا ۇسىنىلاتىن شەكتٸ مٶلشەرلەمەلەر بۇرىنعى دەڭگەيٸندە قالادى, ياعني تولىقتىرىلاتىن تٷرٸ - 12,9% جەنە سەيكەسٸنشە تولىقتىرىلمايتىن تٷرٸ - 14,9%. بۇل رەتتە وسى مەرزٸمدەرگە اشىلعان مەرزٸمدٸ دەپوزيتتەر بويىنشا مٶلشەرلەمەلەر تولىقتىرىلاتىن تٷرٸ بويىنشا 0,1 پايىزدىق تارماققا جەنە تولىقتىرىلمايتىن تٷرٸ بويىنشا 0,3 پايىزدىق تارماققا ازايادى»,– دەلٸنگەن حابارلامادا.
سونداي– اق, 12 جەنە 24 ايعا ارنالعان مەرزٸمدٸ جەنە جيناق سالىمدار بويىنشا ۇسىنىلاتىن ماكسيمالدى مٶلشەرلەمەلەر ورتاشا الىنعان نارىقتىق سىياقى مٶلشەرلەمەلەرٸ نەگٸزٸندە ەسەپتەلەدٸ.
قازاقستاننىڭ دەپوزيتتەرگە كەپٸلدٸك بەرۋ قورى قىسقا مەرزٸمدٸ سالىمدار بويىنشا سىياقى مٶلشەرلەمەلەرٸن باياۋ تٶمەندەتۋ تۋرالى بۇعان دەيٸن قابىلداعان شەشٸمٸنە سەيكەس بازالىق مٶلشەرلەمەگە قاتىستى سپرەدتٸ 1% -عا تٶمەندەتتٸ. وسىلايشا 9,5 پايىز بولاتىن قازٸرگٸ قولدانىستاعى بازالىق مٶلشەرلەمە مەن جەكە تۇلعالاردىڭ سالىمدارى بويىنشا بۇعان دەيٸن بەكٸتٸلگەن مٶلشەرلەمەلەر اراسىنداعى الشاقتىق بٸرتٸندەپ ازايتىلدى.
«سونىڭ نەتيجەسٸندە تەڭگەدەگٸ مەرزٸمسٸز دەپوزيتتەر بويىنشا ەڭ جوعارى مٶلشەرلەمەلەر جىلىنا 10,0 پايىز دەڭگەيٸندە بەكٸتٸلەدٸ. تولىقتىرۋ قۇقىعى بار, 3 جەنە 6 اي مەرزٸمگە ارنالعان مەرزٸمدٸ دەپوزيتتەر بويىنشا مٶلشەرلەمەلەر - 10,0 پايىزدى, تولىقتىرىلمايتىن تٷرٸ بويىنشا - 10,5 پايىزدى قۇرايدى. وسى مەرزٸمگە ارنالعان جيناق دەپوزيتتەر بويىنشا مٶلشەرلەمەلەر, تولىقتىرىلاتىن تٷرٸ بويىنشا - 11,0 پايىزعا, ال تولىقتىرىلمايتىن تٷرٸ بويىنشا 11,5 پايىزعا تەڭ», – دەپ اتاپ ٶتتٸ قوردان.
