شەتەلگە جۇمىس ٸستەۋگە بارامىن دەپ سان سوعىپ قالماڭىز: ٸٸم ازاماتتارعا ٷندەۋ جاسادى

فوتو: Envato

ٸشكٸ ٸستەر مينيسترلٸگٸنٸڭ كيبەرقىلمىسقا قارسى ٸس-قيمىل دەپارتامەنتٸ ينتەرنەتتە جارييالاناتىن حابارلاندىرۋلار ارقىلى ازاماتتاردى شەتەلدەگٸ “جالاقىسى جوعارى جۇمىسقا” تارتۋ دەرەكتەرٸ كٶبەيگەنٸن ايتىپ, مۇنداي ۇسىنىستاردىڭ قاۋٸپتٸ بولۋى مٷمكٸن ەكەنٸن ەسكەرتتٸ, دەپ حابارلايدى Ult.kz.

الاياقتار ەلەۋمەتتٸك جەلٸلەردە, مەسسەندجەرلەر مەن تٷرلٸ حابارلاندىرۋ سايتتارىندا تابىسى جوعارى, جول اقىسى مەن جاتىن ورنى تەگٸن, تەجٸريبە مەن تٸل بٸلۋدٸ تالاپ ەتپەيتٸن وڭاي جۇمىس ۇسىنامىز دەپ حابارلاندىرۋ جاسايدى.  مۇنداي حابارلاندىرۋلار كٶبٸنە Telegram-داعى ارنالاردا, WhatsApp توپتارىندا جەنە ٶزگە دە ونلاين الاڭداردا تاراتىلادى.

الايدا شەتەلگە بارعان ازاماتتار ٸس جٷزٸندە مٷلدە باسقا جاعدايعا تاپ بولۋى مٷمكٸن:

• - جەكە كۋەلٸگٸ مەن ٶزگە دە قۇجاتتارىنىڭ قولدى بولۋى;
• - ەركٸن جٷرٸپ-تۇرۋ مٷمكٸندٸگٸنٸڭ شەكتەلۋٸ;
• - ينتەرنەت ارقىلى جاسالاتىن الاياقتىق سحەمالارعا كٷشتەپ تارتىلۋ;
• - ۋەدە ەتٸلگەن جالاقىنىڭ بەرٸلمەۋٸ;
• - “بوساتىپ جٸبەرۋ” نەمەسە ەلگە قايتارۋ ٷشٸن اقشا تالاپ ەتۋ;
• - قىسىم كٶرسەتۋ, قورقىتۋ. 

ساقتىق ٷشٸن مىنالاردى ەسكەرگەن جٶن:

• · شەتەلگە جۇمىسقا تەك رەسمي تٸركەلگەن, ليتسەنزيياسى بار اگەنتتٸكتەر ارقىلى بارىڭىز;
• · جۇمىس بەرۋشٸ تۋرالى مەلٸمەتتٸ جەنە كەلٸسٸمشارت تالاپتارىن جان-جاقتى تەكسەرٸڭٸز;
• · قۇجاتتارىڭىز بەن جەكە دەرەكتەرٸڭٸزدٸ بەيتانىس ادامدارعا سەنٸپ تاپسىرماڭىز;
• · ساپار باعىتى مەن باراتىن جەرٸڭٸز تۋرالى جاقىندارىڭىزعا الدىن الا حابار بەرٸڭٸز.

ەگەر كٷمەندٸ ۇسىنىس الساڭىز نەمەسە الاياقتىق بەلگٸلەرٸن بايقاساڭىز, بٸردەن قۇقىق قورعاۋ ورگاندارىنا جٷگٸنگەن دۇرىس.