Foto: Envato
Ishki ister ministrliginiń kiberqylmysqa qarsy is-qimyl departamenti internette jariialanatyn habarlandyrýlar arqyly azamattardy sheteldegi “jalaqysy joǵary jumysqa” tartý derekteri kóbeigenin aityp, mundai usynystardyń qaýipti bolýy múmkin ekenin eskertti, dep habarlaidy Ult.kz.
Alaiaqtar áleýmettik jelilerde, messendjerler men túrli habarlandyrý saittarynda tabysy joǵary, jol aqysy men jatyn orny tegin, tájiribe men til bilýdi talap etpeitin ońai jumys usynamyz dep habarlandyrý jasaidy. Mundai habarlandyrýlar kóbine Telegram-daǵy arnalarda, WhatsApp toptarynda jáne ózge de onlain alańdarda taratylady.
Alaida shetelge barǵan azamattar is júzinde múlde basqa jaǵdaiǵa tap bolýy múmkin:
- - jeke kýáligi men ózge de qujattarynyń qoldy bolýy;
- - erkin júrip-turý múmkindiginiń shektelýi;
- - internet arqyly jasalatyn alaiaqtyq shemalarǵa kúshtep tartylý;
- - ýáde etilgen jalaqynyń berilmeýi;
- - “bosatyp jiberý” nemese elge qaitarý úshin aqsha talap etý;
- - qysym kórsetý, qorqytý.
Saqtyq úshin mynalardy eskergen jón:
- · shetelge jumysqa tek resmi tirkelgen, litsenziiasy bar agenttikter arqyly baryńyz;
- · jumys berýshi týraly málimetti jáne kelisimshart talaptaryn jan-jaqty tekserińiz;
- · qujattaryńyz ben jeke derekterińizdi beitanys adamdarǵa senip tapsyrmańyz;
- · sapar baǵyty men baratyn jerińiz týraly jaqyndaryńyzǵa aldyn ala habar berińiz.
Eger kúmándi usynys alsańyz nemese alaiaqtyq belgilerin baiqasańyz, birden quqyq qorǵaý organdaryna júgingen durys.
