فوتو: سەناتتىڭ بٸر توپ دەپۋتاتى باس پروكۋرورعا دەپۋتاتتىق ساۋال جولداپ, شەتەلدٸكتەر اسىراپ العان بالالاردى تاۋىپ بەرۋدٸ سۇرادى, دەپ حابارلايدى Sputnik قازاقستان.
دەپۋتات دارحان قىدىرەلٸنٸڭ ايتۋىنشا, 2013-2019 جىلدارى شەتەلدٸكتەر قازاقستاننان 157 بالا اسىراپ العان. سوڭعى تٶرت جىلدا تاعى بٸر بالا سىرتقا شىقتى. 1999-2011 جىلدارى اراسىندا شەتەلدٸكتەر 8 805 بالانى اسىراپ العان. ولاردىڭ 5 217-سٸ قازٸر كەمەلەت جاسقا تولۋىنا بايلانىستى ەسەپتەن شىعارىلدى. ال كەمەلەتكە تولماعان 3 588 بالا تۋرالى ەسەپ الىنىپ تۇرادى.
"ٶكٸنٸشكە قاراي, ەسەپ بەرمەيتٸندەر دە از ەمەس. مەسەلەن, وڭتٷستٸك افريكا ەلٸنە كەتكەن 30 بالادان حابار-وشار جوق. سول سيياقتى اقش-تاعى - 104, بەلگيياداعى - 113, تاعى دا باسقا بالانىڭ تاعدىرىن بٸلمەيمٸز. ەڭ سوراقىسى, 1999 جىلعا دەيٸن ەلٸمٸزدەن شەتەلگە قانشا بالانىڭ كەتكەنٸ تۋرالى مٷلدەم مەلٸمەت جوق", - دەدٸ قىدىرەلٸ Cەناتتىڭ بٷگٸنگٸ وتىرىسىندا.
سەناتوردىڭ سٶزٸنە قاراعاندا, 2014 جىلى باس پروكۋراتۋرا ارنايى تەكسەرٸس جٷرگٸزگەن. جەتٸم بالالار مەن ولاردى اسىراپ العان ازاماتتاردىڭ بٸرىڭعاي جٷيەسٸن قۇرۋعا قاتىستى ۇسىنىس تا بولعان.
"بۇل تەكسەرٸستٸڭ نەتيجەسٸ جەنە قابىلدانعان شەشٸمدەردٸڭ ورىندالۋ بارىسى تۋرالى بٸزگە بەيمەلٸم. ايتالىق, وڭتٷستٸك افريكا, كەنييا, فيليپپين, مەكسيكا, مالتا, ارگەنتينا سيياقتى ەلدەرگە كەتكەن 120 بالا باقىلاۋعا الىندى ما? بٸرىڭعاي مەلٸمەتتەر جٷيەسٸ قۇرىلدى ما? جاۋاپ كٷتەتٸن ساۋالدار كٶپ", - دەپ اتاپ كٶرسەتتٸ قىدىرەلٸ.
سەناتورلار ٷكٸمەت باسشىسىنا دا دەپۋتاتتىق ساۋال جولداپ, شەتەل اسىپ كەتكەن بالالار تۋرالى مەلٸمەتتٸ جيناۋدى تالاپ ەتتٸ. ونداي بالالارعا بارلىق كٶمەك تە بەرٸلۋٸ قاجەت.
